✔ 最佳答案
你本身如有自由行經驗的話, 自己去都可以好慳, 例如係去深圳上機(在網上可訂機票), 國內線一般內回都係幾百蚊有交易。在香港坐飛機來回多數過千。不過, 如果你唔熟大陸而且小自己出門, 都係由香港出發安全d。
住宿可以選旅館唔選酒店, 百鬆d都會租到間房, 咁樣會平好多, 你可上網book定又得, 去到當地先揀又得, 周圍都有房出租。唔知你男仔定係女仔, 你唔介意的話, 可以住青年旅館, 幾十蚊一個床位, 平同埋安全, 而且有機會識到d都係一個人去旅行的朋友。
食方面, 去一d當地人開飯的地方, 不但平, 而且夠地道同風味, 如去一些旅行團力薦的景點食野, 貴而且有排你等位。周街都有好多小食店, 價錢都不貴, 不過要揀d環境衛生的地方為主。
如果跟團, 其實會幾悶, 同埋三日團未必有, 華東多數都開5-7日團。如果個團夾唔到你同其他團友一間房, 你可能要自己一間房, 咁就要比單人房附加費。同埋跟團要比導旅費, 呢d都要計埋在行程洗費當中。
3日2夜, 其實可以去台灣, 因為有捷運, 去邊都方便d, 唔洗做定咁多功課都可以起行, 但當地住民宿都要港幣幾百蚊一晚, 所以去上海會平d~ 或者去下廣東省的肇慶, 都係一個不錯的地方, 遊下山玩下水, relax下, 不過就要坐幾個鐘頭車去, 住宿都係百鬆d一晚, 青年旅館床位58人仔一晚, 淡季去其實成間房你住曬。
以上都係我親身經驗, 希望你有用~