[法律]關於保釋期間一問

如果係嚴重刑事罪, 調查就唔止一個月㗎啦...
法例上, 差人有權隨時落案起訴你兼取消你保釋. 但實際上, 差人會等你番去報到轉擔保時, 先落案起訴你兼扣留你, 再押你上庭, 由法庭下令拘留你或轉法庭擔保. 原因係廢事突然夠鐘轉擔保前叫你去警署或派人拉你(未必即刻拉到), 你可能估到佢哋會落charge, 而畏罪棄保潛逃.

佢唔會無啦啦見有證據就上門拉你..放心！
佢俾得你保釋出黎..就證明你應該唔會走所以唔會突然就拘捕你..
通常經驗之談..佢會查成差唔多半年甚至一年..再過律政署決唔決定告你.
如果真係衰到正又認左..(一定告)
答返你個問題..如果佢有足夠證據告你..
佢會等你下個月轉擔保果時..俾張紙你話你知幾時要上庭告你乜..

希望幫到你！

由於沒有看過你及証人的口供，不能在這裡武斷或不負責任回答你。

而處理刑事既律師一般都不會平!如果你有法律問題想諮詢律師，其實你可以在這裡找到一些律師行願意為你免費提供不多於45分鐘的初步法律諮詢。
http://www.choosehklawyer.org/tc/search_fl_practice_areas.asp

在上庭前
現在要做的,就是立即尋求法律意見,找私人律師,,看看警方夠唔夠証據告你,及透過律師幫你同警方據理力爭,否則真的上了法庭就麻煩好多了.

如果無錢找私人律師的話,你仍可去各區的民政署或立法會議員辦事處,要求安排見免費律師尋求意見.

在上庭當日
為保障你的權益及可以繼續得到保釋,你地應認真考慮上庭當日,委託私人律師代表你,為你地據理力爭.如果無錢找私人律師的話,你在上庭那天早上,去法庭的當值律師服務辦事處,尋求當值律師代表你,為你據理力爭,而當值律師服務的收費為:400元

不要等喇,快去找律師吧!
希望你無事喇!