✔ 最佳答案
你無須要咁憂心既!
其實我同你一樣,都係鐘意左一個唔應該鐘意既人,都係同性。雖然我唔係好suer自己係咪真係鐘意佢,但就無時無刻都想著佢,同你差唔多。至於一見鐘情嘛,我又何嘗唔係呢!唉!有陣時呢d野係無得避免架喇,鐘意左,就一定要迫自己。
先回答你的問題:
1.放低呢樣野,我都做唔到,所以我好明白你既處境。無時無刻都對佢朝思暮想個一種痛苦真係好難頂。我想你大可試下慢慢將自己的注意力轉移去另一d野到,無成日想佢。例如先集中去做一d同佢有關既野,例如佢好鐘意中史,咁你又試下去讀下,睇下中史。因為呢樣野同佢有關,所以你會好博明咁去做。慢慢,你既注意力會放左落中史到,慢慢放低對佢既情。不過我都唔得!唉!加油啦你!
2.做佢最好既朋友嘛,呢d真係要講緣份。不過,我地呢d凡人可以做既,就係拎個心出來同佢交往。佢有咩事,即刻幫佢,日久,自然大家既感情會深厚左,自然會愈來愈fd。但最唔最好,談真係「人算不如天算」
3.想鐘意男仔既話,可以多d參加有男有女的activity,最好係成班人去camp,咁就通常都會鐘意到男仔。
4.你家下可以做既,就係順其自然。我都係咁。我好鐘意個個人並唔應該被我去鐘意,但我偏生鐘意左。我試過唔想佢,試過想到佢好衰好衰,但係都係唔得。我曾經剪爛佢幅相,話以後唔再想,但唔夠5分鐘又拎去補番。家下,我電話聆聲係佢把聲,銀包案頭電話電腦,全部都放佢幅相。我知咁係好有問題,但我覺得時間會將呢d野搞掂,唔需要我地去憂心。
祝你好運!