✔ 最佳答案
1 教中學絕大多數最少都起碼有學士程度, 亦有部分老師係碩士程度. 如果老師唔係主修學校畢業, 就要讀多個教育文憑. 教語文科要考基準試, 除非教育局規定可以免考.
教英文的話, 可以入大學英文系或者讀主修英文的教育學士. 部分大學對學生英文要求幾高, UE最少都起碼要C, 有些人會考英文最少有A-B(即5-5*). 有些大學生的UE成績比較差, 就算考到D, 其他科OK都會收.
2. 睇你會計做乜職位. 會計文員基本入職要求係中五+LCCI中級合格, 或者會計文憑/高級文憑畢業, 部分要求工作經驗. 工作方面未必間間相同, 有些會準備收據、入帳、入數、收錢付錢、做財務報表等等.
如果話入CPA Firm做核數、稅務或者consultancy, 細會計師樓最起碼要會計高級文憑畢業, 但細會計師樓未必有好細微分工, 而且資源不多, 所以請人絕大多數要求申請者有一定會計學歷. 大會計師樓就最少要大學畢業, 但乜學系畢業都得, 因為佢地有課程訓練非會計主修的學生.
工作方面, 核數工作係查客戶份財務報表能否公平反映公司財務狀況, 以及是否根據香港有關準則編制, 換言之就係check有無做假帳. 稅務就要負責稅務工作. Consultancy就係幫個客做商業諮詢, 解決公司難題.
如果入商業機構做會計師, 大公司要求申請者要有會計師牌及幾年big4經驗, 仲有要有大學/MBA學歷以及熟悉一些會計制度.
3. 如果你係話普通文員, 一般要求只係中五/中七畢業+懂電腦操作+識兩文三語. 如果話上市公司的公司秘書, 法例規定只有會計師、律師及已考取相關專業資格的人才可以做.
4. 我唔知你所謂好係咩意思. 三份工各有各辛苦, 所以了解每份職業、性格以及興趣係最重要, 你無興趣做會永遠做得唔開心, 做一陣就話想走. 當你將來見工時, 人地問點解你每份工只做一陣, 你會點答? 而且年紀到咁上下又無相關經驗, 轉行未必容易.
你話人工, 會計及OL初入行未必會好好pay, 教師初入職會有接近二萬. 會計文員工人工頂多都係去到差唔多兩萬, 但如果你考到牌而且際遇好, 人工可以去到好高.
轉工方面, 老師所行的路會比較窄, 將來轉工最多都係轉去另一間學校做老師. 文員方面, 就算你唔做某個行業文員都可以做另一行業文員. 會計方面, 會計文員同文員差唔多, 會計師係一就繼續留起會計師樓做, 有部分就去其他公司及行業做.
5. 如果你成績一般, 我唔建議你做老師. 你連中學知識都學得唔熟, 又點可以教得明學生呢? 做老師唔可以誤人子弟的.
會計方面, 會計師其實幾講學歷, 因為要考好多專業試. 會計文員亦都要不斷進修提升競爭力, 免得被淘汰. OL一般學歷要求唔係太高, 所以成績唔好做OL會比較適合.
2009-04-14 13:59:14 補充：
更正第1題係主修教育, 唔係主修學校.
