有關健身問題 十分煩惱

佢話我本身有的"寒背" 同有圓肩情況,,因胸肌肉比背肌肉多,,肩膀會自動被胸肌拉前,, 所以點練胸肌都好似同肩成日直線,,冇咩用咁

他所講的很正確。一般如果有寒背的話，都建議先練背肌，可以幫你糾正。

相反，如果你有寒背而練胸肌的話，會令寒背情況加劇的。


佢話我唔識點會的機器和唔知點練,亂咁黎可能有反效果

呢個亦係事實。

其實我成日都響度講：練健身，一定要要搵教練或資深師兄指導正確動作，絕對不要自己試試下咁負重運動。

健身的動作，好似差少少，效果就差好遠了，不正確的姿勢甚至會導致受傷添。我見好多人好勤力做gym，但做極都唔大，原因往往係因此個動作做得差而不自知。如果你 practice 緊一 d錯誤的動作和姿勢，則點 practice 都不會make perfect 的。

假使初學者只係睇到 d 示範就自己試，又無人指導的話，其實唔懂得分辨自己做得正唔正確的，可能做到錯晒都不自知，要切記。

如果你真係無錢請教練，就請教資深師兄吧。又或者去康文處轄下的 gym，都有免費註場教練的。

私人 gym 的教練太貴，而且質數參差，如果你唔識野，好容易被他們欺騙的。

以 california 為例，只有小部份是好的，但更多是混飯吃，例如會用美男計電 d女會員，或者同 d 會員扮晒 friend，打友情牌，務求令他們買多點堂 (幾百元一堂的)；上堂的時候又唔專業，成日同個會員傾計(風花雪月)，但係唔係正經教點做健身，極其量只係陪他們做 gym，唔係指導他們。

當然，仍然有小部份好 pro 好有心機教人，不過真係好少數。


請問大家,如果有我呢的情況,係唔係應該做多的背肌先?

兩樣都要學要練，不過先集中練背，胸則只要輕輕的，學好基礎就得，都你背胸都 balance，改善了漢背，至正式努力練胸肌吧。


同做咩機 or做啞鈴?

建議先做機。背為例，最常見的就是<大拉力機>及<坐立拉船>。

以下網址有簡單的介紹和圖形：
http://www.police.gov.hk/offbeat/849/chi/f03.htm

除此之外，可以練引體上升，不過呢個動作難度頗高的，初學者好難做得到。


想練大隻的係唔係選一個重量,做到5-10下,,做8-10 set?

以增肌為目標的話，揀一個合適重量，每次分開三至四組，每組 8 - 12 下，每組之間休息 1 分鐘。

如果你做完 12 下還有力，代表太輕，要換一個較重的啞鈴；相反如果你連 8 下都做唔到就是過重了。


如果想練大舊的胸肌,令自己著衫好睇的,係唔係先做推胸幾星期先開始做夾胸?

胸肌係好大舊肌肉，有好多野要練的，不過臥推舉係最基本而且有效的練習，不論初學定老手都要練的。

而夾胸則只練胸肌中間，俗稱<波罅>，但如果未有胸肌，由何來波罅呢？所以一般有有基本的胸肌才練的。

你剛學的話，先做臥推舉，到你學多 d，有了基礎，才練夾胸吧。

最後提醒你，無論健身定係其他運動，都要好多年才有成果的，普通都要幾個月至有少少野見到，大隻佬胸前澎湃動的肌肉，不動都要練幾年以上的。

我在另一條問題也列出了自己的增肌心得，有興趣可以去睇睇：
http://hk.knowledge.yahoo.com/question/question?qid=7008100501355

想增重?想增肌肉?
配合適當的飲食就能夠有很好的效果之餘,
還可以改善身體的小毛病
增重比減重難,
但花了這麼多的時間也加不了一磅,
可不嘗試一個健康的方法?
聯絡我成為你的體重控制及健康教練吧
joyce ho
[email protected]