✔ 最佳答案
鼠鼠係KEEP住震定係點呢?遠遠咁觀察鼠鼠時會唔會震?鼠鼠跳落唻係點樣既呢?擔心鼠鼠會趺親,有時唔洗好高都會受傷
A.便便正常係乾既,濕既話應該係有肚瀉,好多時新買既鼠都有肚瀉問題,鼠鼠去到一個陌生既環境,接觸陌生人,鼠鼠一感到壓力,就有機會誘發肚瀉,甩毛,濕尾症等問題,加上你同你朋友咁心急同鼠鼠玩,令鼠鼠壓力更大;仲有可能係因為鼠店食既糧同你買既糧唔同,鼠鼠一時未慣轉糧,都會有肚瀉既可能
鼠鼠唔舒服or受驚都會震,如果係keep住震既話,最好考慮一下睇醫生,擔心鼠鼠係肚瀉得太辛苦
分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到
肚瀉既要留意既事可參考以下我回答既知識:
http://hk.knowledge.yahoo.com/question?qid=7008072803400
B.養寵物好難話一買返唻佢就當你係主人,一買返唻鼠鼠一定會好怕人,試想下,忽然有一日有個大你好多既動物,由你原來既屋企帶你去到一個陌生既地方,會有咩感覺?所以要俾時間鼠鼠習慣環境先,再去習慣你,一定要花多d時間同耐性去令鼠鼠知道你對佢好,但而家咁急咁玩,訓緊又俾你叫醒,除左令鼠鼠唔舒服,日後亦會較難同你熟
除檢查及治療外,唔好再打擾鼠鼠,俾鼠鼠靜下先,同時避免再受驚,等鼠鼠完全好返,身體及排泄物一切正常後,再兩日唔好打擾佢(鼠鼠買返唻既初時,已經應該頭兩日唔好打擾佢),再試下以下方法同鼠鼠建立關係:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先
C.鼠鼠係夜行動物,日頭成日訓係好正常既事,但未習慣環境係會成日訓同呢埋,等冇人先出唻,新鼠情緒同行為都未係咁穩定,加上鼠鼠受驚唔舒服,咁就更加會成日訓
鼠鼠正常時多數係黃昏後甚至半夜先活躍,而活動時好少會不斷長時間咁玩,會係玩下食下訓下咁,所以就算你半夜成日起身,都未必會遇到佢既活動時間;到鼠鼠習慣左之後如果成日訓,如可留意佢有冇減少佢食量如果只係訓而冇咩點食野,就可能有唔舒服啦(而家未慣都有可能唔食野,較難觀察呢點去確定問題)
D.如果只係拎起鼠背既皮係冇咩問題,最緊要唔好整到皮下既肉,因鼠背既神經線比較少,所以鼠鼠唔會覺得痛,但都會唔舒服,就好似如果你俾人一手扯起你件衫"的"起你成個人咁,所以一定會掙扎,鼠鼠都唔慣會驚既
鼠鼠破壞力強,牙齒又不斷生長令鼠鼠成日牙痕咩都會咬,用拈土做屋,易俾鼠鼠食or整爛晒
買屋仔可以考慮膠or木,木屋安全又可以俾鼠鼠磨牙磨爪,只係鼠鼠在木上排泄之後,就好難洗得好乾淨,好易用耐左就好臭;膠既易洗,但易俾鼠鼠食左d膠
2009-04-14 00:52:48 補充：
好返d就好了
唔係keep住震還好,但都要多加留意鼠鼠有冇事
