受夠！點解知識管理員唔ban哂d賣廣告既廢物！

以我自己為例，我常去打躉的<健身區>都係完全被廣告淹沒的，所以我都好明白你的感受。

不過你亦唔好咁燥，不值得為了那些垃圾廣告而勞氣傷身的。

當然，我都知真係勁多廣告，而健身版 / 體重問題 / 健康資訊版為例，每條減肥問題都最起碼有二三十個廣告的，就算個問題同減非完全無關，都仍然吸引到一班廣告垃圾回答 <你係唔係想減肥呀>，真係睇見都眼冤.....

財務版和就業版也是重災區，一大班垃圾廣告人打躉，問有要不要借錢，要不要 <加入他們的行列>。

於是乎，以上幾個版基本上已經半壞狀況，發問者會大到一大堆垃圾廣告，而有心會答的人見到條發問已經被幾十個廣告答案佔據，也多半會被嚇跑。

本來最有效的方法係管理員出手，不過以咁大量的廣告和發垃圾用戶數來講，要清晒都唔易，因為 YAHOO 知識是免費服務，任何人都可以無限次註冊，而且轉個頭班人又可以再開新戶的，ban 他們也不是有效辦法。

曾經試過管理員將賣廣告的網址自動過濾掉，即係個問題和答案會自動將 d 廣告網址變成 xxxxx，但係轉個頭 d 發垃圾用戶將個網址改為大小楷就破解了...... 再者，有好多垃圾廣告並非登出網頁，以是留 email 或電話，於是更難用自動 filter 將之過濾了。

其實最簡單的方法係檢舉。

當然，我都明白一般用戶就算用盡每日的檢舉額，也不能清理一條問題的廣告，不過叫做減少 d，如果多人檢舉的話，說不定也能夠有效幹走 d 廣告。

當然，亦希望發問者能夠自行選出最佳答案，避免進入投票，否則真正用心答的用戶，往往也會輸給廣告的，因為好多投票者並不認真投票，加上幾十個廣告中要找出認真解答的也不容易。