明朝的國力是強勁?

其實樓上兩位仁兄已經答左樓主既問題，小弟係度補充幾句。明朝要打贏日本幾多次都無問題，因為當時明朝係世界上可以話係第一軍事強國。
點解咁講﹖明朝由公元1368年至1644年。當時歐洲剛好由黑暗時代進入啟蒙時代，俗啲講即係由矇剩剩儍更更啱啱好番啲變成正常少少，當時歐洲即使係最強既西班牙及英國最厲害都只係可以打贏美洲啲原始印第安人。對於東方人，佢地一見到勁到嘔既土耳其人及蒙古人即刻嚇到賴尿。即使後來整個蒙古帝國分崩離析，但遠在歐洲既欽察汗國(西方叫金帳汗國(Golden Horde))統治俄羅斯及威脅歐洲長達300年。而後期土耳其即使衰弱左，都只係無再打歐洲，但歐洲人根本無法打敗土耳其，直至1916年先至動搖到土耳其帝國既根本。
呢樣野同明朝有咩關係﹖好簡單，蒙古人最精華既中國部份就係由明軍光復過來，而且蒙古人被趕出中原後更繼續同明朝打仗，但輸多贏少(當時蒙古人被明朝改左個新名叫“ 韃靼”，但蒙古人最勁嗰次可以捉到明朝皇帝)。明軍連天下無敵既蒙古人都鎮得住，區區日本仔點會攪唔店﹖
而且事實上日本仔完全唔夠明朝打。明朝有兩大外患，一係上面講到既韃靼，另一個係倭寇。倭寇即係日本海盜，初期都係幾大問題，但後來有戚繼光及俞大猷兩位將軍既努力下，倭寇終於被鎮壓得住。
日本確實有想由朝鮮半島入侵中國既打算，但日軍一睇就知唔店。當時日軍由所謂既名將豐臣秀吉領軍，佢係邊路既人馬﹖佢係日本國內就也文也武，統一左全國，但當時日軍既水平提都唔好提。佢呢次打朝鮮谷盡全力出擊，但日軍有幾多人﹖乸埋就風濕都係得十萬零五千人！咁既兵力就想出兵中國﹖！真係笑死人。中國人由戰國開始每次打仗都要打百萬人大戰先至似番啲樣，你攞少少兵仔就想打戰爭經驗比日本多上千年既中國﹖蒙古人係最強大既時候都要用50年，再加上一個蒙哥大汗戰死既代價先至可以打敗係人都話佢重文輕武既宋朝，你日本仔次次係國內玩幾次小學生步操就妄想侵略中國，真係連個死未點寫都未知。
豐臣秀吉係一個廢柴戰略家，用個腦唸下都唔好咁打明朝。首先佢對明朝既實力毫無概念，亦對明朝對韃靼及倭寇既戰績及戰略虛實毫無所知。日軍兵力佔絕對下風，但佢竟然唸住由朝鮮咁窄既正面同明軍打正面戰，完全係送死。
咁明軍真正既實力係點﹖雖然明朝同日本打係明朝較弱既後期，但明軍既裝備仍然猛料。樓上位仁兄提到鄭和，佢既坐艦寶船就係明海軍實力既生招牌。該船重達萬噸，艦上大炮超過二百門，一隻船已經咁犀利，其他戰艦會係點﹖另外上面提到既戚繼光及俞大猷之所以能夠打贏倭寇都係靠較強既海軍。仲有，日軍打朝鮮時係海戰時係被朝鮮名將李舜臣既海軍打敗，虛弱既朝鮮都可以打敗有備而來既日本海軍，可見當時日軍既裝備實在唔店。
搭單講句，明朝之所以滅亡係因為內亂，唔係清兵勁。如果袁崇煥唔係枉死，而吳三桂又無放清兵入關，清兵係唔係可以打贏亦係未知數。但我地又唔可以怪吳三桂，當時京城已經被李自成闖軍攻陷，崇禎亦已自殺，明朝已亡，佢仲有咩守落去既理由呢﹖
另外，後來日本可以係1931年攻佔東北三省亦唔係日軍勁。當年東北張學良手下有三十萬有最新德式裝備既強大東北軍，日軍由朝鮮入侵同呢三十萬大軍打正面戰，以日本咁差既裝備我睇唔到有幾多勝算。只係老蔣呢個卑鄙既江湖大佬實在怕日本仔怕得太緊要，竟然要張學良唔抵抗撤兵！而張學良啱啱死完老豆之後唔知係咪嚇到儍左，竟然聽話！於是東北三省就係兩個廢柴既窩囊決定後變成講都唔好講既人間地獄，亦令日魔有機會係六年後全面侵華。

http://www.buddhanet.idv.tw/aspboard/dispbbs.asp?boardID=15&ID=10987&page=2和http://big5.xinhuanet.com/gate/big5/view.home.news.cn/news/8133656.html
可解答明朝的國力是否強勁和明朝當時是否能擊敗日本入侵朝鮮的軍隊?

steventtw20,完全講中我心低話,我的意思同你一至。莫講話明朝當時是否能擊敗日本那麼小事,如果當初明朝皇帝再比鄭和下西洋,係海軍方面加以發展,整個海上世界都係中華了,要統一「大江南北」就指日可待啊。可惜當時明朝皇帝無做到(有很多因素),比左西班牙及英國佬有機可乘,發展左海上軍事,成為了強國,令到現時各國也在學習英語。如果當時明朝皇帝係海軍方面加以發展,成為世界第一的海陸軍事強國,恐怕現時大部份地方都在説漢語了!!

老實講,明朝當時雖然真係世界第一強國(前期更加有能力打敗全世界),但去到日本打朝鮮既時候明朝已經急速衰退,打日本仔都打得負負碌碌咁,多位明朝名將係戰死左,一來係因為明朝弱左好多,二來係日本剛剛由豐臣秀吉統一左,軍隊係經由戰國亂世挑選出黎既精英,一d都唔易打,根本就唔似steven講既打幾多次都冇問題,我諗日本仔唔係因為豐臣秀吉病死既話,打多幾次明朝可能都擋唔住,雖然日本仔的確冇能力打入去中國,但係日本仔就絕對有能力佔領朝鮮。

steven,愛國係好事,但係都唔可以過份輕視對手,如果唔係會害左國家架。知己知彼,百戰百勝呀!

2009-04-23 11:05:05 補充：
我想講steven你真係太睇少對手,豐臣秀吉佢既勁係在於制定國策,但係真係打仗領軍並唔係由佢做,而係佢既手下,豐臣既手下先係重點,豐臣手下名將如雲,實力不容睇小;仲有你講個個李舜臣的確好勁,但係佢係最後俾日本既島津義弘與與立花宗茂既九州鐵炮隊係海戰上射死左,證明對手係有一定實力。

2009-04-23 11:08:34 補充：
冇錯,豐臣想打中國呢個戰略係絕對錯誤,但係都唔可以話佢咩廢柴,實在唔怪得佢,因為一來日本之前一路未同中國正式交過手,佢唔知所以試下;二來當年日本既薩摩島津既浪人武士係咁易玩下都變左做明朝軍隊都怕三分既「倭寇」,所以豐臣會輕敵都唔係出奇。

2009-09-09 20:10:03 補充：
樓上位人兄,講野唔該有腦少少,國土佔領左之後係要有人去開發同管理,明朝個時人力統一亞洲還可,再多d?發夢啦你

明朝係打敗日本~~仲有明朝鄭和下西洋早過西方國家 果時中國海軍好似世界第1

歷史可以告訴我們：是可以的。

因為明朝的確擊敗了日軍！