✔ 最佳答案
首先 , 你必須要有耐心睇晒我比你嘅文章 , 如果唔係 , 你唔需要再問 , 因為 , 冇人會比到答案你 。因為 , 呢個只可以係令你對此事上嘅一d啟發 , 同埋比你睇完之後有所改觀同去為你細佬嘅事想辦法 !!
因為我必須要你面對自己 , 了解別人 , 你才能找到最後嘅
""答案""
hm....你真係一個好大佬呀 , 值得一讚 , 因為你呢個問題 , 對於外人來講 , 根本好難介入 , 因為家家有本難念的經 , 況且清官難審家庭事 ..... 不過 , 我仍可以比少少意見比你 , 希望幫到你。
緊記 , 呢個係一個家庭 , 及個人關系嘅問題 , 所要嘅心法就係必須要與當事人有同理心 , 即係話 , 你有幾明白你細佬嘅內心世界 !!
而家好多人都有"隔代溝通艱難症" , 簡稱"代溝" , 症狀就係 , 對家人甚少關心 , 很多時只會得閒問幾句 , 只係想知道吓個家人做乜而己 , 語氣多數都帶有一點呼喝性質 , 感覺冷漠 , 個人感覺就好似有點被遺棄 , 同埋被忽視等等。
咁當事人會覺得點呀 ? ~~應你一句咪算囉 ! 如果你再問多句 , 就會覺得你好煩 , 呢d都係家庭"代溝"嘅形成 。 所帶來嘅後果往往會好嚴重 , 因為咁會演變成自我中心強 , 反叛。 既然家人對自己都漠不關心 , 唔明白我係點 , 咁我亦都唔需要理你咁多 , 自己做自己就可以 , 總之只要搵到自己嘅開心 , 同埋被其他人認同就得 !!
咁好la , 講咗咁耐 , 其實係好想你哋作為人哋嘅家長 , 必須要知道以上嘅原因 , 解開咗自己嘅心結 , 然後喺態度上你先會有所改變 , 因為唔係乜嘢都係理所當然 , 唔係話我係你嘅後輩 , 或者係你嘅細佬就一定要聽你講 , 因為 , 要記住 , "人"係一個獨立個體 , 當喺成長階段中去到自己當成自己係一個大人嘅時候 ,
"尊重"呢兩個大字 , 係每個人都好重視 , 因為你尊重我 , 我先會尊重返你 , 你肯聽我講嘢 , 我先會接納你嘅意見 , 人就係咁奇妙嘅。
加上 , 而家嘅青少年 , 好多喺生理上嘅成長速度都比我哋以前嗰幾輩快好多 , 所以對於異性嘅好奇係有好大嘅好奇心 , 況且 , 對方所付出嘅關心仲要比你哋任何一個家庭成員為多 , 所以 , 喺你細佬而家呢個階段嚟講係好正常 , 然而 , 我明白你作為大佬或長輩嘅心態係點 , 因為你唔想你細佬做出一d不負責任嘅行 , 係咪 !? 更唔想搞出一個"大肚"嘅病況 , 因為咁會引致好嚴重嘅後果 , 如兩家人嘅問題啦 , 兩個未成年嘅友仔將來點可以投身社會啦 , 甚致乎係經濟問題 , 等等....
ok , ok , 我完全明白 , 問題係 , 你細佬唔明 , 亦都未有想到長遠嘅後果同責任。
但問題係 , 點解你細佬會有d咁嘅問題呢 , 咁就要睇返 , 你哋平時嘅家庭活動係點 la , 所以 , 你由而家起要有所改變。
包括從"語氣" , "心態" , "架子" , 甚致 , 必須要以朋友嘅身份去關心佢 , 因為當你將上述嘅情況改變一下 , 我保證你細佬會對你嘅感覺有所不同 , 你要學會鈴聽 , 即係佢每講一d嘢嘅時候 , 特別係想同你講嘅時候 , 一定會有箇中念意 , 你一定要細心去聽 , 揣摩佢比你嘅意思 , 之後就係溝通嘅開始 , 你要比意見 , 但千其唔好係命令式 , 因為人係好憎人命令佢嘅 , 包括你都係 , 你要用一d個人嘅經驗同個案來分享比佢聽 , 關鍵係 , 你要講到你都好似同佢身歷其中一樣 , 達致到共鳴感 , 咁佢先會將你嘅說話聽入耳 , 如果唔係 , 你永遠都唔會講得通一個抱有牛脾氣嘅男子漢。
嗯 , 我嘅文章到此完 , 希望幫到你 , 如果你仍想研究一下 , 你email我 , 我會盡快回覆。
祝你哋都開開心心咁成長 , 快快樂樂地做人 , 希望幫到你啦 ^_^
2009-04-11 14:56:16 補充：
Sorry , 原來你係女來的 , 唔好意思 , 一直都當咗你係大佬 , 哈哈 ~
嗯 , 甚實上面嘅朋友都講咗一般人會講嘅嘢 , 但緊記係心法 , 放鬆d啦 , 即使真係拍拖都冇問題 , 最緊要係佢能明白到當中嘅責任 , 價值觀 , 同埋點去面對將來 ... 咁自自然然 , 即使你唔話佢 , 佢都識得點去處理 , 因為佢係時候要學習面對責任同代價 ~
