追尋理想or乖乖地幫忙養家？

有理想固然是好。你提出這個問題，其實你都係想讀番書，想搵人支持你的想法。
學無前後，達者為先。若你是有天份的，無論那個年歲，都會在設計界打出名堂，若沒有天份是，讀完設計，你只有那份技術，而沒有那份巧手，分別就在這裏。你有幾多天份，你最清楚。
若不求成名，只想在自己喜歡的行業裏工作，那又是另一回事。你可先了解一下設計行業的出路，與自己的工作能力比較一下，看看自己最高可以爬到那個位置，月薪多少，工作壽命如何。曾經接觸過一間Design Firm的Art Director，他說這行是個炸汁機，年過35都做唔到 Art Director就唔駛講前途了，沒有公司會請一個40歲的 designer，到時只能做番draftman。雖然我唔知當中有幾多成真，幾多成假，但 design始終是一個請年青人的行業。
至於養家重要，還是青春無悔重要，你要自己想一想。青春不能用錢買回來，與家人的關係亦不能用錢買回來。多些和家人溝通，尋求他們的支持，你讀設計才會讀得開心。
至於你是否自私，我唔覺得。你想讀設計，是從自己的意願去考慮，人之常情。你屋企人希望你放棄讀設計而繼續工作養家，是從他們的角度去考慮，亦是人之常情。若說自私，兩者都自私，因為都沒有從對方的立場去考慮。基於這個推論，雙方都不可以說對方自私。
揀一條你行了而不後悔的路去行，未來的人生，數十年的歲月，你要自己面對，不要讓自己後悔，無須太計較其他人的想法而失去自我。日後才追悔是沒有人同情的，很多時只會換來一句「既然讀設計對你來說這麼重要，點解你當日唔堅持？」自己好好想吧！

你要向自己理想出發.
做人應該向自己覺得開心/喜歡的事出發去做!

你自問想唔想幫忙養家？



其實,有份工可以好開心係好難得,就算份人工係好少,
我都會去做=] 好少可 可以好開心!



你可以咁樣同你父母講,佢地會明白你,但你會覺得自責的話,
你在設計業設計多些獨有的東西去比賽,拎多d獎番黎,到時好多大公司都爭住要你,就唔怕無得養家,(雖然方式唔同),
比你父母見到,真係光榮的+好開心!




時間好快過,你唔算自私,因為唔可以用自私形容:)
開心好少可的,亦是自己最愛設計,
將你的勇氣,夢想講出黎啦!!
拎番d成就比屋企人睇!




有目標好事,有理想好事, 總要有得開心更加好事.


我支持你:)
覺得開心/喜歡的事就要把握機會出發去做!

你既然要費心考慮，然後先决定去全職讀書，當然唔係自私嘅行為。
既然一家人都錫大家，就應該分析你既動向對每一個成員既影响而作决定。

其實呢件事有兩個唔同既考慮。

(1) 生活經濟問題。
要衝量你唔做工對家庭既影响。
(A) 係咪冇錢交租開飯，
(B) 定係父母少咗錢入银行，
(C) 定係弟弟冇得譆大學，
(D) 或者 ？？？
如果係(A), 咪有D自私，如果係(B)，而你係自己供自己讀書，咁唔算自私。如果係(C)，就兩睇，因為弟弟亦有責任自己供自己。

(2) 生活質素問題。
你家人認為你工作開心。你同d叔叔姨姨一齊番工唔開心，做御宅族唔開心，唔讀設計唔開心。大家應該講清楚。如果家人夾硬要你唔開心話開心，咁就唔算鍚你。而你亦應該為自己打算一下。

希望幫到你。祝你和家人都能達到一個大家認同既解决辨法。

2009-04-20 11:35:09 補充：
在生活經濟問題內的 A, B, C, D 只是我的假設，你自己要代入真正的情形。按照你的描述，你家人的經濟並不會因為你全職讀書而入困境。可能只是要節省些。如果情形真是這樣，你便一定要表名立場，指出你如果不去經歷全職讀設計，這生人是不會甘心的。如果這真是你的感受，而家人還是不支持，你最後决定去完成你的理想，便絕對不是自私的行為。