我好憎我屋企人，大個左唔想同佢地住

話說我家中有三個人，我、老豆、同我呀媽。
我而家讀中三。細個讀幼稚園果陣仲係住私人樓，
但係家中既環境敵不過金融風暴，
o係我升上小一果陣搬左去公屋度住。
我細過都唔係好知屋企發生左咩事，
只知道老豆同呀媽被公司炒左。
住左屋村幾個月，我地都似模範家庭既。
點知......我有次發脾氣，激嬲老豆。
平時好好人既好突然變左惡魔(成魔之路)，
日日都唔返工咁搵籍口打我。
情況無改善，直至我被老豆打到成身傷痕。
小學一年班有一日返學被班主任見到我塊面，
被人打到腫晒、瘀晒，就問我咩事，
我就話俾佢知我俾屋企人打。
情況一直都無改善，老師即刻打電話俾我父母查問，
我父母就合力編個故仔騙班主任，
話佢地個仔發脾氣，仲打父母。
老師知道左之後就以為係我既錯。
加上我細個果時係完全唔識講野、無談吐，
點知被班主任帶左我去個室度狂鬧我唔尊敬父母。

整個小學階段差不多天天都被老豆打，
佢又唔返工、日日都o係屋企無所事事，
就趁我返到屋企無野做打我。
當每次母親看到我俾父親打，雖然佢無笑我，
但係每次都會幫老豆一齊所謂的「教訓」我。

有次我發脾氣，老豆不滿，
便被老豆狂打、並叫我去做乞衣，
我呀媽就幫佢throw我個書包去街外的垃圾桶，
更閑我在家門外大半天。
當時我極憎他們倆個，
天天被打後都躲在被窩哭泣，
但求天天父親都不在家便好了。
我當時都沒想過告他們「虐兒」，
但不斷想長大後不要跟他們居住。

每逢街外人或者親戚朋友又或者鄰居，我呀媽真係好識做戲。
我呀媽仲係個好白痴既人，做既行為好白痴，
例如：聽下新聞就大大聲笑，叫佢唔好笑就鬧返人。
同埋佢腦轉數好慢，所以佢中學畢業成績都唔況好。
佢日日都話做主職主婦好慘，又話要做呢樣果樣，
話唔鍾意出去搵錢做野，我覺得佢唔係為我而唔不工作囉，
我覺佢係驚俾人炒同人工低囉。就日日埋怨話做主婦好辛苦，
但係又唔出去搵工，只係話無人會請，未試過點知呢？
我最憎唔積極既人、終日留在家中打仔而不去積極。
這樣跟天天賭錢而不工作有何分別呢？
我呀媽成日同佢地講話自己個仔好曳，搞到我出街果陣，
細細個既我都被街外人排斥、話我哈屋企人。
我呀媽同親戚通電話時，我發一兩下脾氣，我呀媽即刻o係度扮淒涼，
話成日個仔唔聽話，又打父母。
搞到我d親戚都話係我既錯。我果陣時個心真係碎晒。

我老豆因失業前有批積蓄，
所以長期都選擇做失業大軍而不去找工作，
而母親卻不打算找工作做，打算做全職主婦。

學校老師一直都唔信我父母既故仔，讀緊小學果時，
我天天都在諗我被打是誰的錯，
是父親失業及受上司所發的脾氣才打我嗎？我不知道。

但我在開始被打的時候，身體一來有傷痕，二來體質都下降，
二年級更患了「小腸氣」，要開刀做下體手術。
由於手術費貴，父母都要向較富有的親戚借錢來付費讓我做手術，
手術成功，但花了不少錢去醫病。
但老豆都沒有反省過他兒仔為甚麼會常常生病。
父母只有天天待在家中而不去努力找工作，
做完手術便天天罵我及埋怨我的病花了家中不少錢。
父母都是中學畢業，學歷不高。
他們不找工作，我便常常叫他們找份工作，希望自己不用天天捱打。
他們便說自己老和學歷低，不會有人請。
他們一直關系都維繫著咁合力日日體罰我，佢地唔會鬧大交。
但都會因小事而鬧交，但未說過要離婚。

因住公屋關系，打仔聲日日都傳到隔離屋，
有天晚上我被老豆打得很痛及打得很久，我器及大叫，希望有人救我。
便嘈醒了正睡覺的鄰居。他打電話報警，警察隨後到達，
警察只係見二對一既情況，只係勸一勸就走左。

我老豆是個嚴父，日日打我之外，仲要逼我學呢樣、學果樣.......等等。
當然我話唔鍾意學就又俾人打了。

情況直到我升上中學，家仍住在公屋，
父母的積蓄應都花得全光，才去找尋工作。
因他們逼我考入了一個著名的私校，
學費頗貴，才逼使他們去做工幫我交學費。
當父親做了一份很長工作時間的工作，
我便有救了。便有時他放工都會呼喝我或打我。
我身型由小到大都是高瘦的，力氣不大。
他罵我的說話十分大侮辱性。例如：「衰人」、「病人」等，
而家果份工令佢會用粗口黎鬧我添。
加上我成績唔好會俾佢打同埋侮辱，搞到我好大壓力，
有別於其他家庭的小童。父母一直都對我有厚望，
希望我讀到書，讀到大學，但就用錯教仔方法。
直到而家，雖然被父母打既情況少左，
但係都仲係好憎呢個家庭，儘管他們給予我溫飽。
呢間中學d同學成日都話請人去佢地屋企，
我就唔敢叫佢地黎我屋企，我會覺得好自悲。
自己屋企太細同太窮，唔敢見人。

屋企人既教導、同埋佢地唔肯搵錢下，
使我回憶整過整個童年當中帶點悔恨，而我現在打算將來的路時，
希望長大後不要跟他們居住，以免天天想到我悲哀的童年。
但我有能力的話，依然會付錢供養他們。
每星期給幾個小時與他們聚聚，但不想天天對著他們。

大家怎看我的身世？贊成我最終的選擇嗎？
大家覺得我現在想起我童年時是社會的典型被虐打家庭之一，
我會否心靈上受到傷害，情神上會受到虐殺嗎？