較平的英國機票

如果直航其實來來去去都係果幾間, 夜機等3間有做 (英國航空, 國泰航空, 維珍航空) 而價錢其實都係差唔多, 通常就維珍會平少少既... 好多時平價飛都只限日機, 而如果日間都可以其實 紐西蘭航空 個價都唔貴, 不過就係時間無咁靚囉... 而且正常7~8月都係旺季, 所以機票都會比較貴同比較少優惠 (唔知今年經濟環境對佢地影響有幾大)... 不過以我所知 英航/紐航/維珍 佢地因為有網上買票"Price Guarantee"(自己航空公司網) 所以網上買一般都唔會比去旅行社買貴...
如果你接受到轉機既, 其實好多 歐洲航空公司 都有做而且價值通常都會相對地平(平時正常平大約$2000~3000左右)... 而最常用既都係 法國航空/德國航空/瑞士航空 都做到夜機, 不過亦有早機(當然亦都係比夜機平啦)...
其實 香港-英國 直航/轉機 都有好多航空公司做, 所以我諗要睇你既要求係 平就得??? 平但係亦都有唔錯既服務??? 平同時間靚??? 如果直航我會建議 維珍航空/紐西蘭航空 都係唔錯既亦都相對地平, 如果轉機就會建議 瑞士航空/德國航空 都算唔錯既...

2009-04-14 07:45:02 補充：
有少少出奇喎, 紐航 貴過 國泰... 英航既坐位都算唔差既, 不過服務就非常一般啦... 我通常如果坐直航都會係 紐航/維珍, 之後先考慮 國泰/英航...
如果轉機KLM係好一般, 而且KLM亦都唔係平... 通常最平既轉機都會係 法航 或者 瑞航/德航... KLM基本上係唔需要考慮, 再唔係你可以睇下 土耳其航空 佢都未必會太貴...
但係因為你係旺季飛, 所以轉機亦都唔會平得去邊(只係比直航相對地平)...