丹麥Exchange

1. 香港去丹麥洗唔洗簽証?
有特區護照唔駛簽証。

2. 香港去丹麥有無直航機去? 來回大約幾多錢?
應該無直航機。來回機票最平大約四千蚊，如果坐英航就八千幾（都係經濟客位，未計機場稅及燃油附加費等）。你可以去http://www.ticket.com.hk/格下價，早ｄ訂多數平ｄ。

3. 丹麥平均一餐飯要幾多錢? (我淨係知一個麥當當要七十蚊港元)
真係好睇你食ｄ咩，其實食麥記已經算平，如果你真係0係出面正正常常咁食餐飯，無一百蚊港紙唔駛諗。
要再平ｄ可以考慮食包，或者自己煮．．．熱狗係一個唔錯0既選擇，大約港紙三四十蚊到。

如果當我一日三餐出去食 (食 d平野)，六個星期 淨係食野大約要幾多??
好保守咁估計，如果你一餐食包兩餐食其他，但餐餐出街食，一日大約$300，六個星期大約萬三蚊港紙。預多好過預少。

4. 當地交通費貴唔貴?? 係咪有月票可以一個月任搭多種交通工具???
交通費相比起香港一定貴。建議你先去學聯整張國際學生証，搭火車會平好多。
一程車廿蚊起，巴士好似有月票，如果只在同區之間往返的話大約$110。
其他0既就唔清楚了。

5. 五、六月天氣如何?? 聽聞20度，咁應該係帶長袖三定短袖三???
五至六月開始步入夏天，日間溫度平均接近二十度，但早晚會更涼，建議帶一兩件短袖衫及薄長袖衫，另外再加幾件唔同厚度0既外套以防萬一。

6. 係咪最好換定美元 or 歐元去個度機場兌換克朗??
係。不過歐元好過美元，同埋唔一定係機場換，當地其他地方都有找換店。