澳門必去必食景點？

首先將你要去嘅地方分區，再排行程：

澳門島中區（議事亭附近）：

大三巴

聖安多尼教堂

澳門博物館

食禮記雪糕

十月初五街近新馬路食煲仔魚翅

澳門瑪嘉烈餅店

歎爽滑豆腐花--頤德行



澳門島東區（碼頭，新口岸一帶）：

皇家金堡

中午訂左位去金沙食自助餐11:30-2:00

參觀永利渡假村



澳門島南西區（媽閣廟附近）：

觀光塔(要買飛)

海事博物館

離島：

龍環葡韻博物館

食豬扒包

大菜糕



你都唔係想去好多地方啫，兩日時間，都可以唔使排得好密，仲可以幫你加少少行程．


食完去酒店check-in．休息一陣，出發去氹仔，去到已經差不多時間要排隊買豬扒包啦（最出名係大利來記，不過個人覺得佢嘅豬扒包超難食，唔知點解次次都見起碼有幾十人排隊買，個人覺得求其一間茶餐廳嘅都好食過佢），之後去買莫義記大菜糕（響官也街，我最近食過佢嘅芒果雪糕，勁香），再之後行去龍環葡韻，順便去埋上面間教堂，響龍環葡韻睇埋日落（以前日落都好靚，而家俾D巨無霸賭場遮住，紅樹林又冇埋，又沙塵滾滾，又冇雀仔睇，差咗好多啦）．之後返酒店休息下．



再出黎食晚飯（late dinner），經過順便去下金蓮花廣場，金蓮花廣場對面旅遊活動中心有間好似叫樂斯嘅葡國餐廳（旅遊活動中心咁夜就唔開架啦），好地道葡國口味（啱唔啱食就好難講），或者行遠少少（大概向前行多５分鐘），響利澳酒店對面條橫街，有間叫新口岸葡國餐廳嘅，好多香港人幫襯，食”土生餐（澳門菜）”，之後可以行去夜遊永利渡假村（再行多１０分鐘左右，唔想行，可以坐的士去，$11去到），記得睇埋音樂噴水／噴火池先好走喎．是日行程結束～晚安～．如果唔想食late dinner，可以響氹仔食埋晚飯先，可以考慮下去阿曼諾（響官也街口，向龍環葡韻嗰邊街口，向左轉，直行大約５分鐘，食地道葡國菜），或者去小飛象（官也街另一邊路口，向左轉，行２分鐘左右，食土生餐），或者其他如木偶，熊貓．．．如果想食中菜，大東同紅記都好出名，誠興水蟹粥都好出名（不過超難食）．全部都響官也街．



第二日上午去中區附近行，下午去媽閣附近．

早餐後，先去聖安多尼堂，之後去大三巴，然後入澳門博物館，響大炮台出口出，順便行下大炮台，之後如果你唔怕行，可以響大炮台另一方向行落山，去禮記食雪糕（禮記離中區都幾遠，可能要行十幾二十分鐘），如果怕行，響返原路落黎，去食煲仔翅，之後去食豆腐花（頤德行都幾難搵架，唔識點教你搵），之後出返南灣金來區食安德魯蛋撻．



下午去媽閣廟，海事博物館（響媽閣廟對面），之後去觀光塔（下午茶buffet？），可以順便上去西望洋山，亞婆井，港務局大樓．



行程完畢～祝旅途愉快～

•講漏咗，去到中區，順便響議事亭前地行人專用區行下啦，嗰度係澳門文化遺產歷史城區嘅重點．

•1.什麼是土生餐? －澳門本土風味嘅葡國菜（中國人未必食得慣地道葡國菜）
2.我9:00am便到達澳門了, 到11:30食自助餐之前可以去邊度參觀?? －漁人碼頭，金蓮花，旅遊活動中心（紅酒博物館，賽車博物館），藝術博物館，回歸賀禮博物館，金沙賭場（全部都係響碼頭到金沙嗰附近，不過兩個半鐘去唔晒嘅）
•1.什麼是土生餐? －澳門本土風味嘅葡國菜（中國人未必食得慣地道葡國菜）
2.我9:00am便到達澳門了, 到11:30食自助餐之前可以去邊度參觀?? －漁人碼頭，金蓮花，旅遊活動中心（紅酒博物館，賽車博物館），藝術博物館，回歸賀禮博物館，金沙賭場（全部都係響碼頭到金沙嗰附近，不過兩個半鐘去唔晒嘅）
•3.金蓮花廣場對面的樂斯嘅葡國餐廳、利澳酒店對面條橫街的新口岸葡國餐廳、氹仔阿曼諾、小飛象、木偶、熊貓的價錢貴嗎? 大約幾多錢一位?? －都唔算貴，不過你得三個人，唔可以試太多唔同菜式（否則會貴），普通咁食，唔開酒，百零蚊一位啦（就住叫，一百蚊之內都夠）
4.官也街大東同紅記都好出名，出名食什麼?－中菜小炒，去大東可以試燒肉，紅記可以食魚腸，禾蟲呢類平時其他地方冇嘅嘢
5.觀光塔的下午茶buffet, 我無訂呀, 但藉唔藉得去食? 抵食嗎? 幾多錢??－如果買套票（好似中旅有，船飛連buffet），就好平，冇話抵唔抵嘅，都係上塔，又有餐食，計起上黎好似著數過齋上塔咁囉（不過去唔同層，冇透明玻璃地板直望到地咁激囉）

您好，我推薦您一個很不錯的面向香港地區的旅游網站，里面包括各個網點的介紹，比如中國，日本，美國，加拿大，歐洲等地區，以及當地的酒店預訂，機票等信息。

http://www.hktourism.info

祝您一切順利！