DVD機增線供能一問

那是真的,經增線後的解像度確實係1080p.不過同原本就係1080p的訊源絶對係兩回事.
DVD原本解像度就冇1080p咁高,增線的原理只係靠插值,即係靠參考周圍的像素去無中生有計算一啲新既像素出來.例如見到兩個起級既像素就喺中間加多一個冇咁起級的,畫面係會細密咗但解像度其實冇提高到.情況就等於在Photoshop用插值加大相片像素一樣.矇既一樣係矇,最多冇咁起格.
而事實上現今的1080p顯示器都內置咗增線線路,即使你輸入480p或者576p既DVD訊號,佢一樣會增線到1080p才可以顯示.高階顯示器的線路甚至比DVD機更好,係唔一定要用DVD機做增線的.
經DVD機或者顯示器增線也好,增線後的畫面你依然一眼就睇得出佢只係DVD,不要抱太大期望.