想問模型上色問題

1.咁係唔係應該用噴槍or噴筆?仲要唔要其他野?

其實噴槍同噴筆都統一為噴塗工具, 只係有d 人見到佢嘅外型部份似槍咁有手柄, 又有d 似一支筆咁; 所以就分開叫佢哋造噴槍或噴筆 (有d 人見到d external mix 嘅都會叫佢地做噴槍, 例如 郡是 嘅 MK 系列...). 其實佢哋嘅噴塗原理大至相同, 無必要分佢哋係噴槍定筆. 要分嘅應該係佢哋 嘅結構同噴塗原理...(e.g. internal or external mix , gravity or bottom feed... 之類). 係哩個大前題下, 如果你想砌模型噴油, 咁就要一具哩d 噴塗工具喇, 既然點都要稱乎吓佢, 以下我就叫哩d 做噴筆喇....
除咗 噴筆之外, 你重要一樽壓縮氣 或者 一個泵先可以噴得到油.....

2.仲有, 邊度有得賣同幾錢?

噴筆同泵可以响旺角洗衣街 d 模型舖有售, 或者部份大型美術用品店都有....噴筆由三百都幾千都有, 而泵就由七, 八百至幾千. 壓縮氣樽大約 幾十蚊...

3. 又話咩氣泵, 點用架?

泵大至分兩大類, 一種係直出嘅振膜泵, 冇汽缸, motor 會推動一塊振膜拍動產生氣壓, 直接出比噴筆用, 會有脈衝跳動. 價錢平, 約 $700或以上. 另一類係有汽缸泵, 除咗 motor 之外, 重有一個缸, 佢會儲起 motor 打出黎嘅氣, 然後先供比噴筆用, 靜之餘重會冇咗脈衝效應, 一般功率較大, 有d 可以供兩支以上嘅噴筆同時使用.. 一分錢一分貨, 價錢由千幾蚊至幾千蚊都有.........
振膜泵一開就用得, 亦唔洗乜嘢 maintance. 有缸泵要等打汽, 但一般都係一分鐘上下就打完. 兩者都要駁喉同水隔先可以連落噴筆道用....

4.最好講下砌模型的步驟

睇模型說明書確定砌同上色嘅次序 > 組合, 去水口分模線, 修補, 打磨 > 完成後噴灰 > 以筆和噴塗工具上主要色和副色 > 上水貼 (如有) > 視須要噴透明油完成...

2009-04-09 23:13:23 補充：
1.又想問下, 係唔係直接把color倒入噴槍就可即刻噴?
-唔係...大部份嘅油要用對應嘅開油水稀釋後先可以入落噴筆嘅容器道噴.

2.和 咩係底漆補土? 想去模型店買時應該點講?
-即係噴灰 (又叫噴不地). 直接同老闆話要噴灰佢就知係乜...

2009-04-13 01:25:00 補充：
3.大部份嘅油要用對應嘅開油水稀釋後先可以入落噴筆嘅容器道噴
唔係好明, 有沒一d例子?

-例如郡是油性油要用返油性開油水. 田宮珐瑯油要用返佢嘅專用開油水....

2009-04-13 01:25:47 補充：
4.總結, 我即係要買d咩用具?
嘖筆?噴灰?溶劑?(希望可以唔洗買咁多, 例如我見d人only用嘖筆嘖, 沒用咩氣泵)

- 如果你想用筆油 就要買筆, 油, 開油水.
-如果你想用噴塗, 就要買噴筆, 油, 開油水, 泵或者氣樽 (兩者是旦要一樣, 因為泵或者氣樽係噴筆嘅動力來源, 冇咗佢哋, 支噴筆係唔識噴嘢嘅. 哩個世界上係冇人可以單單得支噴筆就可以噴到嘢...正所謂電筒都要有電先會着....d 人話用噴筆噴嘢並唔係得支噴筆, 只係佢哋唔會畫公仔畫出腸, 話自 '揸支噴筆加個泵黎噴嘢' 咁解...)

2009-04-13 01:27:25 補充：
底漆補土500定1000?

-底漆補土500定1000 , 唔同號數有唔同功能. 如果你只係要黎打底上色, 用 1000 或 1200 就得.... 如果你唔想買多哩一樣嘢, 就索性唔好噴底灰...事關底灰亦唔見得係必要嘅嘢, 十幾廿年前根本就冇底灰哩樣嘢, 我哋係靠水磨砂紙 + 水黎打磨平滑. 要花多d 時間咁解... 底灰只係方便砌模型嘅一種產物...

底漆500微粒較粗,1000號較幼細.模型噴上色要用膠紙或遮蓋液遮著不需要噴的地方.還需戴上口罩,要有抽風系統,在家中可能會令家人不滿,因微粒週圍飛.所以買時要考慮,你現時最適宜用模型筆上色,油得好才算.