獎門人與法律

首先講聲唔好意思。依幾日比較忙，你條問題又要花多d功夫，所以今日先答到你

首先，講刑事責任。

預防及控制疾病規例第32條：任何人不得使他人蒙受感染的危險
1) 任何自知屬傳染病接觸者或受指明傳染病感染的人，不得—(a) 藉—(i) 該人身處任何公共運輸工具；或
(ii) 該人身處任何街道、公眾地方、娛樂場所、聚會地方、會社或酒店，
或該人在該處的行徑；或(b) 藉從事任何行業、業務或職業，而使其他人蒙受感染的危險。
(3) 任何人違反第(1)或(2)款，即屬犯罪，一經定罪，可處第2級罰款及監禁6個月。

但係，傳染病係指列於預防及控制疾病條例附表既疾病；通常係d高傳染性、危險性高既疾病，如霍亂、炭疽、 第599章 附表1 表列傳染病克雅二氏症等。如果無列於預防及控制疾病條例附表既疾病，就唔受以上條例監管。而且，帶箘者必須知自己有病咁先會犯法

民事方面，A可以以疏忽控告帶箘者要求賠償，但勝訴機會極細

首先，A要證明係個個人傳染俾佢；換句話，A要證明如果個個人無玩獎門人，A就唔會有病。如果多過一個帶箘者就好難證明

第二，疏忽有一條免責辯護叫 volenti non fit injuria，英文即 "no injury is done to one who consents"，即如果興訴人A自願參與獎門人，又知道有人有病既話，就自動被視為接受有關風險，A就會敗訴。

只係帶箘者有機會有刑事責任
民事方面，帶箘者及監制都有機會有責任
但其他參加者唔會有法律責任