我比朋友偷左銀包,佢唔認可以點

警察做野要有証有據.

你有人証嗎 ? (你自己是不行的) 同一時間都要
有物証 (銀包是否已被掉了, 你有沒有抄下 紙幣號 ?)

唔通警察 會因為你一個銀包出搜查令, 查你個 朋友屋企咩 !

唯有下次小心d 啦 !

太無品啦你個朋友，
但你個銀包有咩架？身份證個d？
冇左好煩，叫佢俾返d野你算啦！
叫佢俾返個銀包就冇咩可能啦，佢偷得就唔會俾返．

私底下同佢講，俾返個銀包d野黎就算．

報警都冇用，佢唔認，你又唔知佢掉左個銀包未，
到時又冇人證又冇物證．．．＝冇用．．

下次小心d啦，財物跟身～

奈佢唔何!!!

我有個真實個案
早前我表姊帶個朋友A返屋企, A趁表姊唔為意入咗佢媽媽(即我阿姨)間房係張檯度偷咗隻玉鐲隨即帶上手, 我阿姨返到屋企發覺隻鐲唔見咗又見佢戴住就話"咦..隻鐲咁熟口面o既", A毫不怯咁答"係呀, 我媽買俾我架." (隻鐲有記認, 有紅繩縛住仲有小花痕). 所以呢~~~ 佢咁答, 阿姨都奈佢唔何, 學你話齋 "無閉路電視影到", 又無人見到, 唯有當做善事!!!
我係你就同佢絕交, 呢d人仲點可以當佢係朋友呀!