點樣可以係減肥時同時間練到肌肉？

<身高大約168cm，但係重165磅。>

按 bmi 來計，等於 (165 / 2.2) / (1.68 * 1.68) = 26.5。的確是過重了。


<我平時都有打籃球，半年之間高左近5cm，但係體重就冇乜點變。>

青春期的男生身高增加但體重不變，亦係常見的現象，無問題的，尤其你已經過重的話，增高之餘不增重也是 okay 的。


<作咩連動可以減走胸部同埋肚腩的肥肉？我唔係要快，而係想徹徹底底咁減走哂d肥肉。>

要修身其實好簡單，不花錢，不用食藥，只要做帶氧運動減肥就得了。

例如跑步，游水，向上行樓梯 (慢慢行就得了，不用跑) 等等。平均每星期三次，每次 30 分鐘或以上就可以了。當然，如果你體能上承受得都的話可做得密一點，每次做耐一點亦可以 (例如每次 45 分鐘)，最緊要量力而為。

不過由於你 bmi 達 26.5，算過重了，所以暫時不要跑步，避免膝蓋磨損，到你輕點才跑步吧。

在家裡亦可以減肥的：找一張穩固的矮凳，然後不停地踩上踩落，要<向前踏上，向後踏落>，亦係每星期 3 次，每次 30 分鐘或以上。

而且做帶氧運動自然會全身消脂，包括胸部和肚腩 d 膏；相反，世上沒有<局部地區成減肥>，一減就必然係全身減的。

做帶氧更可以順便改善體能同心肺機能，強化骨骼，幫助發育，一舉數得。

不過你要明白，做帶氧運動好難變成肌肉型的，因為帶氧運動並不能夠增肌 (相反還是不利增肌添)。

飲食方面，就算你要減肥都好，都不建議用節食或減非餐單！一定要吸收多點碳水化合物 (飯，麵，麵包) 及蛋白質 (蛋，肉，魚，奶)。前者提供能量，後者幫整體健康和發育，缺一不可，否則會無精神，影響發育，老了更可能會骨質疏鬆，況且無人希望連該大的地方都變小吧？

你亦無需要刻意戒口，只要減少食油就可以，並非完全不食油，因為油脂都是身體必須的營養，只要減少就行了，最重要烹調方式清淡，盡量避免煎炸等等。

另一方面，做完運動後一小時吸收力比平時高，所以要減肥就要避免運動後立即進食好多野，不過可以少少碳水化合物和蛋白質來補充體力，例如一小片蛋治也無問題的。

另一方面，千萬不要係靠節食或營養代餐，因為呢 d 只係短暫性有效，頭１，２個星期會減 d，之後身體會因為你唔夠營養，自動將個身陳代謝律減慢，藉以減少身體消耗。於是乎個磅數就唔再減，而且重會令身體乏力，無精神，容易病添！

況且你一旦停止食個 d 所謂待餐，就好容易肥返晒 -- 唔通你打算一世食個 d 野咩？

要減肥，離不開做帶氧運動和健康飲食，別無他法！

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm


<我o既目標係減到130磅。>

正常健康的減非法，每週最多減 2 幫，要超過呢個程度的話莫說很難，就算得都會傷身的。

以你目前 165 磅，減到 130 幫，即係要減 35 磅，換句話說最少要 18 週，即係 4 個幾月，不過一般人好難一直維持每週減兩磅的，所以要再延長，樂觀 d 都要本年的。

你或者會覺得耐，不過你諗下自己的膏係用了幾多年累積返來，就會覺得無慢架啦。


<減非時同時增肌>

首先，你今年只有 13 歲，不建議你咁快去做增肌運動，等你到 16 歲才開始吧。

再者，一般唔會減肥增肌一齊做的，因為兩個係不同的目標，要做不同的運動，好難兩樣同時兼顧。有無聽過<左手畫圓，右手畫方，兩皆不成>？

目前你都係集中做修身運動，先打好體能基礎吧。

我在另一條問答也講解了一些年輕朋友想增肌的問題，以及我自己的增肌心得，有興趣可以去睇睇的：
http://hk.knowledge.yahoo.com/question/question?qid=7009032800176

我有辦法幫到你 ...

上呢度睇睇 ...

www.keepfitnow.com/erica

跟住教你o既方法 ...
減完仲會 keep 住唔肥返 ...