bb轉奶粉 & 戒夜奶 & 嘔奶 &人奶

BB介夜奶好睇BB自己既，有DBB你唔使特別幫佢介，佢都自己唔飲。但有D你點調節都好，佢係要飲就要飲，真係冇辦法架
若果你想幫佢介既，可以將夜晚最後一餐慢慢延遲，等BB可以飲完一覺訓天光。不過一定要有恆心，唔係一兩星期就可以成功既。但係你BB而家先一個月多D，我覺得唔需要太早幫佢介夜奶，過多兩三個月都未遲
飲緊人奶又要轉奶粉，可以人奶照食，只係轉奶粉就得喇。轉法同普通轉奶粉一樣，第一次轉最好選擇早上既時間其中一次奶轉，萬一BB唔適應都容易D睇到反應。維持三四日都冇問題既，就可以一日轉兩餐，再維持幾日都冇問題既就可以再繼續轉多一餐，直至轉晒為止
BB唔係金魚，佢都識飽既，飽就自然唔會食，佢仲想食既話，即係佢未夠飽。一個多月既BB飲4安唔算多，我見過朋友既BB未夠兩個月已經飲成6安喇，每個人既食量同消化能力都唔同，唔可以係唔係都同人地去比較架~
佢飲得到4-5安既就由得佢飲，不過就一定要係中途掃風。尤其佢嘔得咁勁，最好掃到兩次風，等佢落左格再食就冇咁易嘔。若果係中途拎開佢D奶會扭得好緊要既，咁你可以試下將食奶既時間調較得密D，奶量小番D。咁佢就唔會因為隔得耐肚餓而一次過要飲好多奶喇
飲完奶要抱住一陣，唔好咁快訓落床仔，最好掃完風落左格過多十至十五分鐘先訓低，咁都可以減少嘔奶既情況
BB都有味覺既，佢分得出咩係水咩係奶，佢係要飲奶既，比水佢都冇用

我想知道你夜奶的定意.?????通常是夜深3時,長大一点,佢自然不吃夜奶,(免強飲水.佢都會嘈.你一樣無得睡.所謂自然是在夜的一餐會越來越遲佢都唔會叫醒你)而家佢是人肉鬧鐘.你要忍忍.


慢慢減少人奶的次數


bb發育未成熟.嘔奶是很常見.掃風要做好.並把床仔(整張床板)弄斜約2吋,頭高腳低.不需用枕頭好處1.胃比較鎖緊 2. 避免嘔奶時呼吸不到.為何怕比得多佢食(佢而家1個月1星期大)都是正常量,如果你吃吃吓飯比人搶了,你都唔制.所以佢扭計,吃風都吃死.谷氣.嘔比你睇 改善方法吃少量掃風再吃又掃風.要順氣.慢慢温柔佢吃夠就唔會扭.好倦想睡.少食多餐為原則

飲奶後肚子(胃)不適,有氣要掃風.不要立刻躺上.可以用古老方法用食油.orbb油擦熱雙手後輕按肚子.用意是使其温暖.安定.腸子動得慢点.令要多注意頸面皮膚是否因為有奶濕疹會很痕的由是接觸了奶水後.耳朵也要注意.

還有一個好方法就是利用bb天生可愛去吸引一些中年的家庭主婦當然是鄰居,而且一定要近.和正常的家庭,可以隨時給你幫忙.比你遠遠的老媽來得實際.