唔該我想問下由天水圍天富去天后,點搭最快及最便宜搭車方法??

有咩理由輕鐵轉地鐵架!輕鐵轉地鐵要多重轉車,又貴d,又慢d,所以完全唔建議輕鐵轉地鐵
建議咁搭
方法1:沿天富邨隔離的天瑞路向天水圍南行,到天華路轉左,沿天華路向天晴邨方向行(你隔離個條馬路的行車路線同你行的方向一樣),到天晴商場外的巴士站搭969(唔駛搭輕鐵去天榮,費時比多1程車錢,不過唔想行就可以搭輕鐵去天榮轉969),摩頓臺總站下車,沿摩頓臺上去高士威道,之後轉右行約1個字就到天后了
收費:$21.4
行車時間(#是大約等車時間,%是大約行路時間):#12+70+%13=95分鐘

方法2(用八達通較好,否則較貴):都是沿天富邨隔離的天瑞路,不過向濕地公園行,不過只係行幾步,到天秀路過對面,之後轉右,行到天逸邨逸洋樓巴士站搭265m,到大欖隧道下車,同站轉968(唔好轉969,因為無優惠),銅鑼灣天后巴士總站下車就到天后了
收費:$9.6+$11.8=$21.4
行車時間:#10+15(265m)+#10+50(968)+%5=90分鐘

方法3:用方法2的方法行到天逸邨逸洋樓巴士站搭265m,荃灣鐵路站巴士站下車,向前行到南豐中心,上去南豐中心的行人天橋,行到荃灣鐵路站搭地鐵到荔景站過對面搭東涌線到香港站,沿閘內行通道到中環站搭港島線到天后站就得了
收費:$9.6+$11.2(地鐵八達通)/$11.5(地鐵車票)=$20.8(地鐵八達通)/$21.1(地鐵車票)
行車時間:#10+30(265m)+#10+60(地鐵,包轉車同停車)+#10=120分鐘

方法4(用八達通好d):搭輕鐵705到天水圍站下車,搭西鐵到南昌站下車,D2出口出去南昌鐵路站巴士總站搭k16到九龍公園徑巴士站下車,向前行到梳士巴利道轉右,行到尖沙咀碼頭搭天星小輪到中環,沿民耀街到干諾道中後沿行人天橋到對面,再沿畢打街行到德輔道中轉右到1個東行的電車站,轉左都得,搭電車,唔係全部都得,搭車頭寫着去北角或筲箕灣就得,到天后站下車得了,唔認得邊個係天后站,記住會經過1個好多人的站,怡和街站,過完怡和街站後數第2個站就是了
收費:$12.9(西鐵八達通)/$13.5(西鐵車票)+$2.3(天星小輪上層)/$1.8(天星小輪下層)+$2=$17.2(西鐵八達通,天星小輪上層)/$17.8(西鐵車票,天星小輪上層)/$16.7(西鐵八達通,天星小輪下層)/$17.3(西鐵車票,天星小輪上層)(由於你係話返工,所以無計天星小輪假日的價錢,價日的話就係平日的價錢加$0.2就得了)
行車時間:#7+8(輕鐵705)+#5+30(西鐵)+#9+31(k16)+#7+10(天星小輪)+#3+35(電車)=145分鐘

回程差唔多,方法1就沿高士威道行到摩頓臺轉左,到摩頓臺巴士總站搭969,呢個要係巴士總站下車,因為天晴商場對面無站,下車後沿天城路行去天華路,再以天富去天后的方法1的相反方向行番去天富
而方法2就係銅鑼灣天后巴士總站搭968到大欖隧道用同1張八達通轉265m,重可以轉265b,265m係天富苑能富閣巴士站下車,個度係天富了,265b係天恩邨巴士站下車,過對面就到了,其實去程都可以搭265b去轉968,但係貴d,所以唔建議
而方法3都係咁樣,搭搭港島線去上環方向,到中環站下車,沿閘內行人通道到香港站搭東涌線到荔景站,過對面搭荃灣線到荃灣站,A1出口出,沿行人天橋行到近尾的大廈,入去,個度有扶手電梯,沿扶手電梯下去青山公路,行到荃灣建明街巴士站搭265m到天富苑能富閣下車就得了
方法4就搭電車上環(西港城),堅尼地城或屈地街方向,到匯豐總行下車,向前行到畢打街轉右再行到干諾道中再上天橋到民耀街,到碼頭搭天星小輪到尖沙咀,沿梳士巴利道行到九龍公園徑轉左,到九龍公園徑巴士站搭k16到南昌站下車,轉西鐵到天水圍站再轉705
方法2較好,因為最快,而方法3唔建議,因為平得幾毫,但係慢方法1同2成半個鐘,至於方法4,雖然係最平,但係如果真係好想平先用,因為太慢
月票方面,方法4全部都有,西鐵全月通(即係月票)收$400,可以免費搭西鐵,輕鐵,輕鐵接駁巴士同k16,係西鐵車站有得賣,假設你原本用八達通,搭32次就回本了
天星小輪有$115的月票,可以坐來往尖沙咀至中環同灣仔的2條航線,係碼頭有得賣,唔係好抵,就算坐上層,要搭50次先回本
電車的月票要$170,可以搭所有電車路線,係屈地街電車總站,銅鑼灣及北角電車總站有售,仲唔抵,要搭85次先回本
我建議除非常常係搭天星小輪來往尖沙咀,同經常搭電車,否則唔好賣天星小輪同電車的月票,因為太貴

2009-04-08 01:21:02 補充：
對於方法4,聽講最近九龍公園徑有工程,九龍公園徑巴士站取消,咁去程k16就總站落,向前行到彌敦道轉左,行到梳士巴利道轉右,再沿梳士巴利道行到尖沙咀碼頭就得了,回程都係,沿梳士巴利道行到新世界中心對面的停車場道路,入去到尖東鐵路站巴士總站搭k16就得了

先搭乘輕鐵天水圍循環線705，天水圍西鐵站落車
然後轉乘往南昌的西鐵線列車
南昌總站轉乘往香港的東涌線列車
香港站落車，然後行到中環站(免出閘)轉乘去柴灣的港島線列車
天后站落車

成人八達通$22.7