咩叫 供股?

即是大股東向小股東要錢, 即規定小股東持有多少股份就要用多少錢去認購幾多新股. 供股都有個除淨日, 在這日"供股權"會由股價中扣除， 而在這日或以後買入的股票就不須供股的, 在除淨日之前買入的股票就可以獲得"供股權". 如果你不想供股的話,可以把供股權賣出去給別人去供股, 但如果供股價高過市場價, 很多時候都沒人會買這些供股權的，所以股價就又會跌. 但供股不是硬性的, 所以就算你賣不出供股權你都可以不供股. 如果供股價低過市價, 很多時候小股東會樂意供股; 除了規定的供股股數, 你都可以額外再申請供多一些, 但不一定會分給你的.

供股 : 簡單講, 就係上市公司印新股票, 但衹賣俾已經買咗果間嘅人, 才可按比例, 用一個平D 嘅優惠價買新印嘅股票, ( 大小股東都有優惠 ) , 所有股東, 在「供股權」除淨日仍未賣出股票, 就有權在指定時間之內「供股」

公司上市目的,就是要籌錢 ( 集資 ),作擴充規模,做大做好;上了市之後,再加大規模,就再集資,但亦有因生意失敗者,等錢使,用嚟還債,就猛印股票去搶錢o
資金需求少,則印小量股票售予投資客,稱為「批股」手續簡便o
若是大量集資, 則是售新股俾原有老板,佢地可按持股比例「供股」
無論「批股」與「供股」集資,都是加印股票,你有股票,你就係公司嘅老板, 依家印多咗, 將來公司做生意, 賺咗錢, 就「分紅」派錢,又俗稱係「派息」,到時就因為多了新股票, 就多了新老板同你攤分,即所謂「攤薄」;所以剛供股之後, 股價梗會跟住攤薄 ( 即跌番 ),因為股票多到通街都係, 經濟環境向好時, 老板們充滿美麗的夢想,期望公司集資造大,攪好生意,結果, 「集資」就成了好消息;:但若經濟環境轉壞時,公司集資擴大規模,則令人擔心,生意越做大,結果越差.甚或有些已失利的公司,「供股」用作還債,則更是壞消息了:所以, 供股與否是取決於大老板將會點樣用,將來公司會有前景嗎?絕對唔係計佢是否便宜、抵買o
有一些呃呃騙騙既小型公司,一年賺到果一千幾佰萬,但是都唔夠出糧俾班董事自己人,仲話年年蝕本,年年供股集資,買左佢就陰功啦!你要研究下值唔值得陪佢死!有時,供完股冇幾耐,就可以跌破供股價,賴晒屎噤嘅樣, 其實,最好有禁快得禁快,唔好問價錢「止蝕」吧 !
我初學買股票時侯,往往喜歡揾 D 由高位跌到殘既細價股,大佬呀,十幾蚊跌到得番一蚊幾亳,跌左十幾倍,要佢升番倍零兩倍唔難呱,點知,個天都唔幫我-------------o
舊時李嘉誠隻長江上市果陣唔係細價股咩,匯豐呢咪又係,; 喂! 老友,萬中無一喎, 而且佢地同是D 叻人攪既生意,可知一個醒嘅人,可以將一間殘廢左既公司攪到有聲有色,但,一個冇用嘅太子爺,二世祖可以將一間資產雄厚既公司,轉眼間變成負資產; 所以,跑馬要揀騎師, 買股,除了拺行業,佢做生意既地方之外, 揀大股東既管理層是最重要的o如果硬要揀細價股, 留意下大藍籌屬下的,有潛質的細公司吧!
睇下最近一蚊供股,資產有 $ 3.2既華人(655),抵買啦,剛供完股冇幾耐,家陣 $0.77喳! 永義實業(616) 1供5 股, $.0.15, 之後,再嚟10合1,家陣 $ 0.14喳

2009-04-04 14:23:39 補充：
睇下最近一蚊供股,資產有 $ 3.2既華人(655),抵買啦,剛供完股冇幾耐,家陣 $ 0.59喳! 永義實業(616)曾進行過多次供股及合股行動，包括03年8月40合1；04年2月1供5；05年7月10合1後再1供10；07年12月2供1;08年12月1供10,每股供$0.15,之後09年3月100合1, 家陣 $ 0.14 咋 !

您好， 我推薦您一個關于股市投資與個人理財的資源網站，上面有很多很不錯的資源，肯定會對您有所幫助。

http://www.hkstock.info

祝您好運