投訴青衣青梅樓附近間牙醫王偉

真人真事呀,4月1日約左呢位牙醫9:00pm我老公杜牙根, 因為我們唔係住附近,見到上網有人話呢位牙醫幾好即管試試,怎知8:30pm已經到問姑娘可否早些小睇,她話可以咁我同老公飯都未食就入去啦,等到10:00pm仲未叫我老公入去未問姑娘得未,點知佢話醫生未返呀,我地已經心知不妙,最衰登記時要俾左$30先,無論睇唔睇都要俾,如果走人未無左$30,仲要隻牙齒勁痛喎,唯有繼續等....當時診所仲有10人在等候....10:30pm啦,另一個人忍唔住問究竟醫生幾點返,姑娘話醫生要食埋飯先返....11:30pm終於返啦,有得睇啦,點知醫生話我唔會幫你杜牙根,因為隻牙齒裂左要做手術,我介紹俾你啦o係central架你預$10000-20000啦,有無攪錯昨日先睇過兩個牙醫都無話隻牙裂左,只係太貴所以無搵佢地杜,見你平先搵你,仲要等左你三個鐘頭,你竟然趕我地走.....仲要$30都無俾返我地,話你一個呃$30,十個你已經呃左$300啦,唔怪得有兩個人入左去好返就出黎走左啦,唉~~只怪自己貪平.....所以大家小心呢位牙醫呀.....