倉鼠可唔可以食人類啲食物?(20點)

希望樓上網友ivy_tse168可以尊重一下,唔好copy其他我既回答,我所有回答除提供必要既官方資料外(例如環保署處理動物屍體方法),都係自己親自打出唻,希望大家都可以尊重原創,謝!
A.如果係白麵包就冇問題,人食既麥片都可以,但有味既包or其他人既食物就唔可以俾鼠鼠食
其實鼠鼠身體正常時,只係俾混合主糧同時都可以加d鼠專食既牧草or草磚已經好足夠;而家既鼠糧都係經研究而鼠成,好有營養既,而主糧係指一包有好多種唔同野食既糧.我 近年既鼠就只係食主糧,我個人經驗係愈少雜食,鼠鼠身體愈健康,可以去到年老都冇病,但都要留意,唔好俾鼠鼠偏食,差不多食晒D糧先再添加會好D,唔係就好易食晒入面既瓜子
一般正常情況下,並唔建議俾鼠糧糧同草以外既野俾鼠鼠食,除左以下呢幾個情況:
1)萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2)若鼠鼠瘦弱生病,就可以食白麵包or麥片去補充營養
3)如果冇晒糧又未買得切,就可以暫時以白米代替,但都要盡快買返糧
4)若鼠鼠生育後,餵奶期間可以俾奶粉沖既奶佢飲,切勿俾鮮奶,唔係好易肚瀉

B.俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等,好多時呢D影響都唔係咁易見到,但一被發現就多數已經好嚴重,而蔬果or人食既野,建議都唔好俾鼠鼠食,原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既

C.之前死左既鼠除左甩毛之外有冇第d異常?鼠鼠當時幾大年紀?同一籠有冇第隻鼠?
一般皮膚病較少會致命,但除左皮膚病之外,仲有以下既問題都會令鼠鼠甩毛,呢d都比較易令鼠鼠死亡:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒or較硬,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷

如果都唔係呢d問題既話,可以補充中講多d鼠鼠死之前及死時既狀態,一齊再研究下係咩問題

白面包就ok，用面粉/植物做，無tim加任何野既1定得。

其他人既食物都唔可以,咁係好危險既事,食左對鼠鼠身體有害既食物,好多時即時都冇咩問題,但因為係對內臟既影響,到發現到既時候,就多數已經好嚴重,所以千祈唔好亂俾野俾鼠鼠食,亂俾野俾鼠鼠食唔係錫鼠鼠,只會令鼠鼠身體差呢!