男人的意見

結婚十幾年，無做野幾年，卅幾歲，無小朋友。
以前係一個無朋友唔得人，但老公唔鍾意我出街，漸漸變得番一個朋友，一兩個月先見一次個隻，係知己，知晒我兩公婆既野，所以有時都同佢慎咁。
而家習慣屋企，又無乜點想約人出街，亦都唔想個老公成日去街，老公放假就同佢一齊出去玩下咁。
但成日好多佢D同事約佢去邊去邊咁，又上大陸食飯咁，佢口講話唔係咁想去，要social無辦法，但佢既行為就相反，因為佢應得人地好爽兼夾佢有時做攪手添。同佢嘈過幾次，話佢自私，攪到我無晒朋友自己又成日去街，佢重發我皮氣話要搵食！佢既職業又唔係靠同事個喎，只係打好關係大家茶篤撐個隻。
佢成日用D好重語氣加粗口同我講野，好聲好氣問佢同邊個去食飯之嘛......有時問佢想食乜煮比佢食，佢粗聲粗氣話是但啦.........佢D語氣令我覺得我好乞佢僧咁。
佢成日上咸網，又用手機save好多雜誌女明星D相，范冰冰呀、柑桔呀個D，同我出街見到靚女就望到頭都側埋，我覺得佢拖住我就咪望得咁揚啦，咁樣好唔專重我。佢呢D行為我無出過聲，係男人都上咸網鍾意索女啦。但心底裡就好hurt，又呢埋喊囉，我都要發洩家嘛。
我覺得自己有D問題，我發現我既情緒好易比佢影響到，佢一句粗話我就覺得好委屈想喊，有時呢埋喊有時佢面前喊，成日都想死去，但又怕痛又無膽。到第二日又無咁，好似無事發生過，兩個好似平時咁。
話佢唔錫我咩，又唔係，佢又成日Tum我，又比財政大權我，對我亞媽又好好個喎。

都唔知點....................