同男朋友媽媽.....

無辦法啦,你愛你男朋友一定要遷就佢媽媽啦!
照你咁講你男友都希望結婚後都同媽媽一齊住,如果佢媽媽唔喜歡你的話,都可能影響你男友對你的感情呀!
其實每個人都希望自己阿媽喜歡自己的的對象,又一樣希望自己另一半同阿媽可以相處得好和洽,你都希望自己阿媽當男友係仔咁啦!
如果你問要點做的話,就係心態上當佢係自己阿媽咁啦,因為你以後可能都要同佢相處,只有盡量遷就佢,同時一定問清楚你男友,要知道佢阿媽的愛好同討厭的東西,盡量投其所好同講說話要避重就輕啦!
雖然你無直接使佢錢,但佢覺得個仔同你去街使d錢應該都係佢的,所以你最好間中買d佢佢喜歡的東西送俾佢,食物,衣物,用品又好,最緊要係佢鍾意的禮物都好,等佢覺得你有佢心,對佢好!
你都知所有女人都鍾意收禮物啦,佢阿媽都係女人喎,有人間中買d野送俾自己等於關心自己啦,一定開心呀!
因為一般媽媽的心態都係驚個仔有老婆就唔理阿媽咯,就會對未來媳婦諸多挑剔了,如果佢感覺到未來媳婦樣樣都對佢好似照顧自己阿媽一樣咁好的話,就會感覺唔只無少到個仔仲好似多一個乖女咁好,咁佢就唔會樣樣咁挑剔了!