BB 食奶問題

其實BB同普通人一樣，有自己既一套。雖然你會係不同渠道會接收到BB幾大就要食幾多奶同訓幾多覺呢D訊息，但咁唔代表每個BB都跟足既。正如同樣一個三十歲既女人，都有機會一個食多D一個食小D啦
至於你BB既CASE，BB係會有厭奶期既，不過你BB由一個半月到而家都係食3-4安奶就未必係厭奶。厭奶多數都會比平時食得再小D，甚至唔肯食。不過就算厭唔厭奶都好啦，BB肚餓係唔會呃你既，佢一定會喊到你比奶佢食為止，所以你真係唔使驚佢會餓親
而BB食得小亦唔代表唔好，唔同BB吸收程度亦有唔同，你既BB可能係食得小但好吸收，咁咪唔使食好多囉。或者佢根本就係細食既，你比得多佢佢都食唔落架
佢食奶扭計既話，就要注意下，會唔會係D奶過熱或者唔夠熱，會唔會個奶咀窿唔夠大比佢啜奶，或者佢本身熱定凍，甚至乎個奶咀形狀會唔會佢唔多鐘意呢，呢D都要細心慢慢去試。若果佢都仲係扭計既，試下係佢飲奶既時候哼下音樂，唱下歌，等佢心情舒暢D
仲有可能就係佢根本未肚餓你就比奶佢飲，佢都會扭計架啵。試下下一次隔耐小小先餵佢，睇下會唔會改善到情況
掃風扭計既話，可能佢覺得姿勢唔舒服，咁你可以轉換第二D姿勢試下，例如抱起佢，將佢個頭放係你膊頭上面，或者係將佢放係大脾，用佢PATPAT做重心，將成個B打圈轉。另外佢亦有機會因為D氣頂住又未掃得出而煩躁，咁都會扭計D架
至於訓覺，都係果句，佢眼訓就會訓，BB真係唔會同你客氣。加上佢四個月人仔，開始會活躍D，冇之前果兩三個月咁鐘意訓，中午訓得小都正常既。不過你就冇提到佢夜晚訓得好唔好，若果佢都訓得幾好既，就絕對冇問題啦。但若果連夜晚都訓得麻麻地，例如訓兩三個鐘又起身，咁佢就算訓得比較小喇。不過對BB黎講都唔係一個大問題，最多佢自己眼訓D架姐，慘在就係照顧佢果個都冇得訓