有關熊仔鼠,,,,

有d好奇,養一隻熊仔鼠點解會預佢有bb?雖然我的確試過買一隻熊仔鼠,冇耐就生b,但我就估唔到會咁A.倉鼠懷孕係好難用肉眼去睇到,因為懷孕期短,熊仔鼠大約15-16天,而且倉鼠係會出現假懷孕既,連獸醫都有機會會驗錯,懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分
4)書本都會話鼠鼠懷孕會築巢,但好難話見到鼠鼠築巢就當佢懷孕,因為鼠鼠本身就有築巢既習慣,好多鼠鼠平日都會整一個窩,收埋食物,除非墊材唔適合or有問題,又或太熱啦(我鼠鼠十分熱既時候都一樣會築巢)

B.如果你懷疑佢懷孕及生b及要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)都可以俾d鼠專食既魚仔乾俾鼠媽食,都好有營養,但要在鼠B出唻搵食前就唔好再俾
5)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
6)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
7)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

C.生B係十分傷身既事,生過B既鼠壽命會縮減,較易患子宮腫瘤,甚至有研究指出,生一次B可減鼠鼠半年命,對於壽命咁短既鼠唻講,係好嚴重既事
繁殖熊仔鼠仲特別易打死,熊仔鼠既地盆心態十分重,其他品種多數年紀大少少先會咁,但熊仔鼠係可以未戒奶就打生打死;我之前買左隻已懷孕既熊仔鼠,鼠b未戒奶時已經打到一隻耳都冇左一部份,無奈未戒奶又唔分得籠,好辛苦等到分籠,一籠一鼠,但有一隻情緒仍然好唔穩定,不斷大叫,唔食野,亂撞咁,同第d籠分得開d咁夜,好俾心機一段時間先正常返,可見人同鼠都唔係好過
其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
8)生b到戒奶分籠都唔可以掂鼠b,到掂得時,其實已經同鼠店買到既鼠差唔多大,咁又何必自行繁殖?期間仲要唔洗得籠笑一排,又可以會見到食b既情況

唔知你仲想知d咩,有關熊仔鼠既詳細資料,可參考以下我回答既知識:
http://hk.knowledge.yahoo.com/question?qid=7007121402487

係魚定係鼠?
?????????????
講 清 楚 D !
有關熊仔鼠,,,,
我有一只熊仔鼠,
好想知多啲關於佢,,
最重要係點知佢有咗bb呀??
生咗我又可以做啲咩??
餵咩佢食好呀??
仲有生完之後會唔會好易死呀?? !!!!!!!!!!

您好， 我推薦您一個關于寵物養護的資源網站，上面有很多很不錯的資源，肯定會對您有所幫助。

http://www.pets-lover.cn

祝您好運！