分娩入院時要準備.....

1. 不需要帶盤往醫院的. 而 bb盤都不需要.因這些醫院員工會幫 bb 沖涼的.
2. bb衣服一套,初生bb尿片一包,濕紙巾,bb袍仔一件, bb手仔套,襪仔一對,火酒濕紙巾一盒,用來幫 bb 抺臍帶的........
3.孕婦衛生巾兩包,需要用繃帶綁,這一款衛生巾的,因醫院規定用這一款的,床墊一包,沖涼液一支,個人衣服一套,內衣褲各兩套,牙刷/牙膏,面巾,拖鞋一對.醫院冷氣凍,孕婦最好帶多一件外套著為好........
4. 個人身份證用作登記之用的.貴重物品便不好帶入醫院.

我係07年生BB既媽咪，其實盤就唔使準備，你要準備既就如下：

產婦衛生巾，有繩&貼都可以（本人係用貼既）

如果洗傷口可以用花灑，本人用過清洗器，我feel唔係好乾淨，最後聽有經驗既媽咪話可用花灑！（滴露不需要！）

水泡一個，小朋友既size，用黎坐係上面，傷口無咁痛架！可以到時先吹脹佢！

抹手紙，當去完廁所，用清水洗傷口，用黎印乾傷口，保持乾爽。

床墊：本人買左寵物用既墊，其實兩者係一樣，但價錢就寵物墊平d，哈哈…我自己用剩就用黎同bb換片！

洗頭水同沖涼液我就無羅，因為我媽咪話返屋企先用薑水沖涼加洗頭。

日用品，牙膏、牙刷、手巾

熱水瓶一個

你既個人資料;

bb要準備既如下：

尿片（可以叫家人之後羅去）、濕巾、花士苓、手套仔（一定要羅）。

出院時會有家人黎接的話可以先羅bb既衣服！

我記得既係咁多，希望幫到你啦！

大小平安！：D

其實執入院既用品好簡單，最緊要隨身既銀包一定要有錢/八達通、身份證同電話。萬一落左街或者去緊街既時候要生都可以即時去醫院
至於用品你可以去醫院途中叫親戚朋友拎比你。
而用品可以分開兩袋，一袋係入院用，另一袋就出院用。因為你入院之後都未有咁快生，所以一般只需要帶個人清潔、梳洗用品，紙巾 (盒裝比較方便)，水杯，產婦衛生巾 (最好要預2-3包，不過唔夠都可以係醫院買或者問隔離床借住先)，內衣及內褲/網褲 (各兩至三套)，乳墊 (5-10片，通常第一胎未有夠快上奶，就算唔帶都冇所謂)，外套/帽，順產既話要帶清洗傷口器皿 (我果時用個水樽入定D凍滾水，可分兩三次用，去完廁所就用黎沖洗傷口)。至於BB既用品就要帶尿片 (大約一包)，濕紙巾 (一包)，拖鞋 (個人喜好)
其實如果屋企人可以隨時幫你拎野去醫院既話，入院果時只需要帶藍色字果D用品就得喇，其他果D用品係BB出世前拎去醫院都冇問題
出院果袋就放你自己既一套出院衫褲同BB出院衣物 (和尚袍，包被)

其本上第一位朋友都講晒啦,我只係想做個補充,醫院姑娘會幚bb抺臍帶la,現在嘅醫院已無指定用邊種產婦衛生巾,建議用网褲同粘貼產婦衛生巾(感覺安全d).如果係第一胎嘅媽咪,就要准憊定bb以後有可能食嘅奶粉同用具.需然現在鼓勵喂母乳,你亦唔好放棄喂母乳,但第一胎未必即時上奶,咁就要加奶粉啦,而醫院只會提供當月有邊個供應商嘅奶粉,通常係港貨,或者你可以問下醫院到時會用邊種再定需唔需要准憊.