✔ 最佳答案
自己做約$1,000, 因不知你買什麼品牌, 價錢可以相差很遠. 3日搞掂. 天花色2公升, 牆身色先買1卡(4-5公升), 應該差不多, 唔夠先再每公升咁買.
如牆已很光滑, 只是有一些剝落及裂紋, 應該已經做好防潮底及批灰等, 基本上只要執補剝落及裂紋, 如牆身出現裂痕, 就先用漆剷將裂痕擴大, 或剷除已鬆散的灰, 然後油光油或司拿(如需要), 之後要用牆之寶填平及打磨平滑, 最後油上面油便可.
轉牆身色, 做法很簡單, 如之前的牆身是很深色的話, 就先油1次白色乳膠漆, 再油面油便可. 如之前的牆身不是很深色的話, 就直接油上面油2 - 3次便可.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.
如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充.