如何拍攝到SOFT鏡效果

要焦點清楚,背景矇即係俗稱淺景深效果不外乎四個要點就係大光圈,長焦距,近對焦距離及一個遠的背景.
如果你係輕便DC,三,四倍光學變焦嗰種咁你可以放棄,因為DC仔一來只有全自動,好多設定冇得較,二來鏡頭實際焦距非常短,影人或者比較大隻寵物又唔可以靠咁近影,基本上背景都唔可以好矇.
如果係十幾二十倍光學變焦既就會好啲,你可以用最大光圈,相機最起碼要有光圈先決或者人像模式等可以開大光圈的設定(光圈值越細代表光圈越大),有咁遠zoom咁遠,有咁近影咁近,咁效果就最盡,不過咁會好麻煩,要從好遠影埋去.
寵物雜誌都是用數碼單鏡影的,配支長焦距或者大光圈鏡頭就好易影到.
如果你買一般數碼單鏡的kit set通常效果唔會太出,因為跟機支鏡頭通常都係細光圈,短焦距,所以好多人會買支50mm f1.8既定焦大光圈去影呢種效果.因為呢支鏡通常只要六百幾蚊.