新買八哥狗BB 勁吠, 應如何處理呢 ? (幫幫忙)

吠係狗仔天性, 但只要你了解一下狗仔天性, 到底係什麼誘因令佢吠, 再以排除, 就可以令佢吠既機會減少。

狗仔吠通常有以下原因:
1) 狗仔被「寵壞」(通常主人寵壞左狗仔而不自知)
2) 狗仔習慣用吠叫方式去要求獎勵 (eg.食物/玩)
3) 分離焦慮症 (當跟主人分開後, 會有破壞, 吠叫及失控情況)

而 1) 因被「寵壞」而令狗仔覺得自己係老大(狼群天性), 而佢係有責任去保護全家, 地盤意識會好強, 所以會對人吠叫；1) 跟2) 亦會相互影響, 因為在狗仔習性來說, 只有老大才會對小弟吠叫呼喝, 所以當狗仔一次又一次地用吠來呼喚主人, 變相令佢錯誤以為自己係老大。

依閣下所說情況, 應該係因為你地聽到佢吠就放出泥, 搞到以為吠就等於有人理。(吠=獎勵)
有時狗狗覺得主人打/罵佢, 都好過唔彩佢, 所以打/罵未必有用。

Q: 係唔係應該真係要忍心D唔好比佢出黎 ??
A: 唔係對狗仔, 而係你要對自己狠心D, 響佢安靜果陣先放佢出泥。其實咁做一來係改善番主徒關係, 二來亦係長遠對狗仔心理成長有良性影響。

Q: 忍耐下佢既吠聲呢 ?
A: 依家狗仔先2個半月, 難道你想忍多十幾年嗎? 是不是應該找個方法令大家同佢相處得更開心, 而狗仔亦唔洗俾主人罵而感到委屈。

Q: 有無咩方法可以另佢最少可以吠少D 呢 ??

A: 因你的情況, 狗仔應該係屬2) , 解決方法其實好簡單 :

　　首先, 要俾佢知道, 吠係唔會引起你地注意。

　　所以下次佢吠果陣, 唔好俾反應佢, 千祈唔好望佢, 唔好俾佢知道你地係聽到佢吠咁。因為狗仔已經習慣左同吠來換取獎勵, 所以我諗你初期要俾多D 時間去等。

　　你地要響佢安靜, 心情平伏時, 先好理佢, 同佢玩。(雖然狗仔好可愛, 但主人要好好忍耐) 等佢知道自己吠係唔等於有人理, 反而乖乖地唔嘈先會有人錫。

　　有時玩玩下佢吠, 都係唔好望佢, 即刻STOP 唔好再同佢玩, 等佢自己知道, 一吠就冇得同主人玩。

　　當然你可以表現好嬲咁拍籠等佢驚, 但當你同狗仔關係未建立良好之前我唔建議咁做。要知道狗仔驚你, 同尊重你係完全兩回事。一些錯誤既教導, 好容易影響狗仔對你既信任, 所以會得反效果。而且如果狗籠係佢既居所，唔應該俾咁多唔好既聯想俾佢，如果唔係佢大個左佢一定會反抗入籠。

　　當狗仔學識尊重你果陣(這就關乎是狗仔地位的問題), 你可以用一個指令就令佢收聲(下文會提及), 因為當佢知主人先係老大, 佢會盡佢能力去討好你。當佢學習尊重主人, 主人以後教佢亦相對容易好多。

-------------------------------------------------------------------------------

教小狗學習"NO" 的意思

　　狗仔細個果陣, 母狗會響小狗做錯事既時候, 會反轉小狗同咬住小狗條頸...等小狗了解自己係錯..
　　由於小狗依家已經沒有母親, 主人要充當其角色去教導小狗邊係D 係岩, 邊D 係錯。所以當小狗做錯果陣, 你可以用手反轉佢, 再扣住佢條頸(用「陰力」好喇..) 然後好惡咁講NO。記得唔好直望佢對眼, 而要望住佢個鼻, 因為狗仔天性: 直望對眼係敵視既意思。做多幾次, 佢就會明白指令"NO" 係錯。

-------------------------------------------------------------------------------

如果令小狗尊重你?

　　依個就係一個關乎權力問題, 我在此就簡單說明。狗仔雖然是人類的朋友, 寵物, 但仍保存著狼群天性。
　　狼群就之間只有上司同下屬, 沒有同級, 當地位分得唔夠清楚既時候, 佢地會作挑戰行為, 即成為人類眼中的壞狗狗。
　　所以狗仔之間階級分得好明，好似食飯就老大食先, 小弟要等老大食完先分俾佢食; 當小弟嘗試去乞求老大俾食物, 只會俾老大趕走; 如果老大唔出聲俾佢食, 就即係默認左佢升級左既地位。
　　至於休息地方，只有老大可以訓最舒服既地方，而且有自己既空間。其實仲有好多好多...好似「老大」一定唔會大吵大罵，賞罰分明等等..
　　如果你可以做到「老大」所做既事, 咁佢下意識就自然會尊重你, 信任你。而且狗仔亦唔洗因為以為自己係「老大」, 而搞到成日覺得要保護主人咁大壓力 (係真架, 其實做「小弟」先係最冇壓力)。
　　
希望以上資料幫到你，如果仲有任何問題，歡迎再聯絡一齊探討。

岩岩買返黎既狗bb一定有呢種情況出現！

吠係狗狗既天性，你必須要俾狗狗知道吠係唔得既，咁佢以後就唔會成日吠架喇。


1）佢吠既話，你千祇唔好即刻放佢出黎，如果唔係你就會俾在個錯誤既訊息佢，咁佢下次想出黎一定會狂吠。

2）開頭真係要忍心少少架喇，佢一吠就要即刻大聲鬧佢，或者可以試下拍打個籠嚇下佢，等佢知道原來吠係唔得既。【當要不斷重複以上動作，唔係一兩次就得，試多兩三日應該會有好好既效果】

3）千祇唔好話忍耐下佢既吠聲，佢只會以為你聽唔倒，越吠越大聲。所以一定要改左佢既壞習慣。

4）等佢停止吠叫時，你就放佢出黎玩一陣，之後再放返入籠，等一陣睇下佢會唔會吠，吠又要再鬧佢