駕駛考試問題 (20點)

本人準備考車牌，但有十分多疑難，麻煩各位幫忙解答！我係準備考1A牌(自動波私家車)，而且本人為IVE學生，所以學習同考試時間上會有d限制。考試成功後，我打算買豐田 Corolla AE100，平時作為假日車，粗用就ok，所以快唔快唔緊要，車舊唔舊唔緊要，最緊要油費平，日常保養費平，唔會成日呢樣壞果樣壞，夠穩定就ok。本人18歲。

1.
假如我自行去九龍長沙灣牌照處報名，咁大約等幾耐先會安排考筆試？筆試時間可唔可以自行選擇？

2.
我係住新界屯門區，我可唔可以自己揀試場，例如自己揀葵盛/石蔭/荃灣去考？因為聽人講呢d試場比較容易，同埋比較就腳。

3.
搵教車師傅教，咁教車師傅係咪會叫我駛去我既考試場地到，然後叫我係入邊不停操練？定還是考試試車唔比學神入去練，學神只能夠係非考試試場既地方到操車？

4.
通過筆試之後，係唔係會寄封信比我，通知我幾時同埋係邊到考？可唔可以延遲考試日期呢？

5.
假如我選擇觀塘駕駛學校，咁係咪會係返觀塘駕駛學校入邊考試？即係係返平時我操練既地方考？

6.
為汽車出牌時需要提供保險，但保險分幾種，咩三保全保，咩黎？

7.
聽人講新牌仔保費好貴，到底保險公司所謂既駕駛年齡係指...擁有駕駛執照幾多年，定還是擁有汽車及駕駛幾多年呢？

8.
如果我18歲考完車牌，25歲先出車，保險費會唔會減好多？

9.
有人話搵牌齡夠既人出會平好多，如果有個40年擁有汽車及駕駛經驗既人幫我出AE100，保費大約多少呢？

10.
如果搵人幫我出保險，當我有事發生果陣，咁係咪由幫我出保險果個人全數負責？定還是另外計？

11.
假設由屯門去旺角，來回大約係幾多公里到呢？

麻煩各位！！！