怎樣幫一歲半的孩童洗頭呢

我個仔而家就快一歲半，由於佢太重我唔可以抱住佢洗頭，所以佢一歲我已經用以下方法，希望可以幫到你。


1) 如果你用開BB沖涼大浴缸，可以等佢坐，叫他將頭仰後洗:

將洗頭水用手搓後，擦完佢D頭髮，用花灑在上替他洗頭 -- 左手托住他的後尾枕，右手拿花灑沖頭。有時左右手都要輕搓走泡泡。

由於BB要習慣新方法要時間，加上洗頭佢會冇安全感 (一來怕濕眼，二來我地唔抱住佢，佢始終都會驚)，所以要一邊洗，一邊同佢講 : "媽咪同BB洗頭頭，唔駛驚，媽咪喺度; ..BB好叻 wo ; 媽咪同你抺面" 等等。一分鐘好快過。


早點開始，我BB到現在都仲驚，不過只是過度期。只要你快手快腳便可。


2) 如果佢唔驚，就叫佢個頭仰後靠住浴缸邊，即好似在髮型屋洗頭咁。

2009-04-01 12:30:21 補充：
阿B當然唔識自己抬起頭，梗喺我用手將他抬起啦!

我果時幫呀仔洗頭，佢到歲幾又係唔鐘意呢個姿勢，不過因為佢都仲未識得好似樓上果位所講咁樣抬高頭，所以我就用另一個姿勢
我坐係小朋友椅到，將佢成個人訓係我大脾，個頭就伸出黎。係佢頸同我大脾中間就用條大毛巾隔住，咁佢既姿勢就好似係髮型屋洗頭咁樣。之後用花灑或者用水沖都得，因為佢咁既姿勢你兩隻手都可以用，初頭可以一隻手洗一隻手扶住佢個身，之後習慣左就可以兩隻手一齊洗。你亦可以一隻手洗，另一隻手既手臂夾住佢，手位就托住佢後尾枕，不過呢個姿勢要烏前D會攰D
除此之外，你亦可以買D專係比小朋友用既洗頭帽，岩岩好圍住前額、耳仔上面同後面，可以比小朋友坐係到果時唔使抬高頭洗頭都唔會比D水滴落眼同耳仔。不過唔同小朋友既頭都唔同SIZE，加上防水邊未必咁好，如果要用既話，可以先用條毛巾圍住個頭先加呢個洗頭帽，會穩陣好多