我應否離婚呢?

我與A君已結婚三年多了. 亦為他生了一個小男孩, 樣子可愛, 亦有好多朋友介紹去拍廣告. 亦都完成了他的夢想, 就係結婚同生仔, 因他已四十多歲.
由去年12月開始, 機於金融海潚令到我地損失慘重, 但求慳錢, 我地唯有搬回去同他媽媽住. 問題與導火線就開始喇.
起初回到去, 他媽媽已開始小進食及唔落床行. 成日都話自己唔舒服. 更多次出入急症室, 醫生同佢媽媽裡裡外外都檢查過, 最終都無發現有問題. 但係佢又繼續不進食. 結果, 今次去到醫院, 醫生話佢個心臟有小小心律不正. 我想:佢都唔肯食野, 又點會好丫. 不過, 我心想:佢都係想GET個仔的ATTENTION. 唉! 佢真係搵到個仔來攪, 我就無所謂, 只係陪A君多次出入醫院. 我亦買過了很多野俾佢食, 佢都不是太想吃. 我都算.
你地知嗎? 我自從生完之後, 坐月時沒有被好好照顧, 亦令身體抵抗力下降, 更曾生蛇. 但他只會說我唔識呀, 你叫你呀媽幫手啦. 我亦無出聲. 我依家的體重比起我生之前更瘦. 更難看!
最近由於A君工作上不如意, 非常擔心失業, 曾試過發俾氣. 其實不事最近先至係咁. 我曾試過大住肚時, 都被佢趕出門口. 又多次同我講離婚. 每一次都係我逗回他, 因為我假定佢係因太過擔心財政問題或受到各樣壓力,攪到心情差. 所以我會體諒他.
老實講丫.我由結婚開始, 所有衣食行, 我都會多數自己負責.就連生仔住院費同佢分擔一半, 出院後看中醫費, 個仔的各樣各樣費用都係我自己付出, 買俾佢同佢呀媽的禮物, 遠遠多過佢買俾我的. 因為錢對我來講, 如果我有, 我一定會攞哂出來.或者你地會講,可能我搵得多過佢. 其實唔係. 佢搵得多我一半人工. 最近我連續幾個月都無糧出. 我都唔敢問佢有無錢. 佢亦都無問過我. 我都係用緊自己積蓄.
至於佢對我屋企人的態度是冷淡, 唔好話我的生日無乜表示(結婚後), 就連我爸媽生日都無表示.
我曾問他, 你是否已滿足現狀呢?他說, 只要有我同個仔和呀媽一齊在家, 就邊度都唔駛去. (咁, 所以我地經常留在家)
前幾天, 我同佢吃過後, 去了百佳買東西, 我只是叫佢幫我俾埋一罐價值86元的奶粉, 點知換來被他話.
我真係好想知, 佢買任何野俾佢呀媽就不計較, 而買俾我就要話我?
跟住大家都不出聲, 直到第二朝, 佢發SMS叫我不要帶個仔回家(星期一至五仔仔在我媽媽家被照顧), 佢要冷靜吓.
直到今天, 佢都沒有CALL過我.

1. 係唔係我做得唔夠好或者係我有問題呢.?
2 佢是否覺得這世界上就只得佢同佢媽媽就足夠呢?
3. 到底我應該去或留呢?

請各位有心人指引吓, 唔該!