有關紋身的問題!

其實要睇返果間鋪既老闆~
我18歲前去紋~但係就冇問我夠唔夠18歲囉~
如果返大陸紋既話~
我覺得最緊要要注意既係~衛生!!
你知大陸幾唔衛生傢啦~
你最好自己帶埋消毒藥水上去~
同埋睇住佢消毒~
你要睇下你既圖有幾大~同埋複唔複雜~
同埋每間鋪都會收唔同價錢~
我諗如果真係好細既話~$200-$500左右啦~
我覺得最敏感/最瘦/最唔見光既地方就最痛~
例如手臂內側,手指,耳背,腳眼...呢D位會比較痛
我紋過最痛既就係腳板面頭~果度最冇肉~
如果最唔痛~我紋過就係覺得手臂~
紋身同埋刺青係同一樣野黎既~
紋完都唔會太難KEEP~
只要你係紋左之後~佢絡緊焦既時候~忍手唔好"R"佢~
等佢D焦自己脫落~都OK傢喇~
睇你紋咩位先知方唔方便~紋D成日"旭"動既位~
就會冇咁方便囉~
因為我本人都有好多紋身既女仔~
所以我覺得紋身既女仔冇咩野~
不過要睇下紋D咩啦~如果紋龍虎豹呢D...我就覺得麻麻喇~
但係其他人會覺得呢個女仔唔正經囉~
佢地唔會覺得呢種係身體藝術~
其實外國好多女仔都係咁傢啦~
最緊要係你自己點睇自己傢姐~

以上係我既個人意見~
希望可以幫到你啦~^^