請help~help me (有关334選科)

其實中學所學的會計知識唔足夠做會計師, 因為中學所學的只是最基本知識, 而你做公會認可會計師(CPA)係一定要考試. 考試內容就係大專/大學所學到的會計知識, 大學會計一定比中學會計難.
不過, 中學會計可以令你對會計有點基本認識, 可以幫助你決定大學或將來進修時應否選讀會計. 但要留意大學讀會計並非純粹讀會計, 亦要讀其他商業知識. 334的企業,會計與財務概論亦令你有基本的企業及財務知識.
唔考慮語文能力, 呢科用英文讀會較好, 因為你將來考牌做會計師一定係用英文讀書考試(除非你考內地會計試, 不過香港人合格比率係極低), 所有會計準則都係用英文寫. 你中學用英文讀會令你將來進修時會較容易上手. 我唔知你學校英文比起其他學校係容易定係難. 如果學校英文難度起香港裡面屬中上, 你英文程度都算OK, 用英文讀應該OK.
做會計師就一定要英文好, 普通話亦愈來愈重要.