我想學日文

如果自己買書，唔係話學唔到日文，只不過你要係願意花時間、花錢去買多幾本唔同既參考書研究，又要有濃厚既興趣先得。
因為有d參考書講既未必係最正確，所以要睇多幾本，從中搵一個正確答案出黎；另外就係CD，有d教材附送CD，你可以邊聽邊跟住讀，學發音。

自學除左係花時間、花精神外，亦好睇一個人既恆心，如果你係有毅力又勤力的話(當然最好加少少天份)，自學日文係可能的。而事實上有好多人都係自學日文去考3級、2級甚至係1級能力試；但同樣，都有人自學左成年連五十音都搞唔掂，所以學唔學到係睇個人，冇話一定得或者一定唔得。

教材方面，"大家的日本語"都係幾多人會買既參考書(好多學校都用)，個人認為，自學的話要買埋一系列既輔助教材，例如文法解說、課文中譯等等，咁先可以完全明白課本到底講緊咩。另外就係CD，附課本會送一隻，但只係for聽解問題，課文既生字、文章等等要另外買一setCD去聽先得。

至於可以係邊度學，香港都好多日本語學校，各有優缺，睇你既要求係咩吧。
如果要多功課多測驗，較出名既係日經、日本語講座，同時較貴；其次較出名既有早稻田、第一等等，呢d相對較平，而你都可以上網search到相關資料，我就唔多講了。
我自己讀緊個間就無咁出名，但就較平，因為課業無咁緊張，而且用記憶法教，唔需要太花時間去背生字，較適合一d返緊工既人讀。(或者較懶既學生
圖片參考：http://l.yimg.com/f/i/tw/ugc/rte/smiley_9.gif
)
你可以打電話去問一問詳情(tel:23751342)，因為據我所知佢4月又有新班開，岩既可以去報名。
希望你唔會覺得我賣緊廣告吧...
圖片參考：http://l.yimg.com/f/i/tw/ugc/rte/smiley_3.gif
(都幾難定義呢)

http://www.linguist.com.tw/JAPClass/