無啦啦有好多蚊癱

我睇並唔係蚊癱咁簡單 , 好有可能係蕁麻疹(俗稱"風癱") , 症狀係咁嘅 , 皮膚會無端端生出一塊塊痕癢無比嘅皮膚突起出來 , 有時可以好細粒 , 有時亦可以大到幾個五蚊銀面積咁大 , 佢哋可以係數粒凝聚成一塊 , 或者係一大塊咁生出來 , 痕癢程度可以與蚊癱成對比 , 但係蚊癱嘅持久力可以長達幾日 , 而且被蚊叮過嘅地方可能會有炎症嘅發生 , 但係風癱就多數會喺一日之內消失得無影無蹤 。

風癱嘅成因多數係由身體嘅免疫系統失調所致 , 即係身體自身嘅免疫系統對一些身體外來物質誤認為身體入侵者, 乃致對之發出群起攻擊 , 而在體表引致隆起所致 , 然而 , 免疫嘅地方唔一定係體表 , 可以係氣管或是其他地方 , 嚴重嘅可以引致窒息死亡 。

致敏原亦有好多種 , 當中包括動物嘅毛髮 , 花粉 , 甚致乎來自食物嘅蛋白質 , 所以如果你去睇醫生 , 醫生好多時會問你"琴日食過咩來呀 , 或者喺出癱之前食過咩嘢呀?"等等...

不過 , 假若情況如果唔係好嚴重的話 , 通常你唔去睇醫生 , 佢都會自動好返 , 或者係出癱數小時之後就會消失 , 但係嚴重(生到成身都係)的話就要快d去睇醫生同打返枝針 , 如果唔係你都幾大鑊 , 就算唔窒息死都痕死啦 ^_^ , 而醫生嘅處方多數為一些抗組織胺類嘅藥物 , 喺藥房都有得賣 , 而家抗組織胺類嘅藥物己經出到第二代 , 細細粒 , 白色 , 成份為 Cetirizine Hydrochloride 10mg , 食咗唔會眼瞓 , 每日只需要早晚食一粒 , 即使長食都好少有副作用 。

解答己完畢 , 不過你最好搞清楚係"蚊癱" 定係 "風癱" 先囉 ^_^