問法國安全還是意大利安全??

小弟舊年8月一個人去左意大利加瑞士11日，雖然一向都耳聞意大利，尤其係羅馬治安差，但小弟好好彩無好似樓主既朋友或樓上位仁兄咁遇上任何治安問題。事實上，小弟係羅馬總共4日3夜，全程都係一個人，而且係咁搭地鐵同埋狂影相，但真係一啲事都無。另外，小弟係幾年前都去過巴黎玩，同樣都係一個人搭地鐵週圍去，不過都係乜事都無。我覺得其實最緊要係自己要時刻提高警愓，無論去都邊，都唔好比陌生人太接近自己，而且一定要記住財不可露眼既道理。
如果巴黎同羅馬要二揀一，我都讚同樓上位仁兄，你應該去左巴黎先。因為巴黎比羅馬優勝既地方係巴黎係一個新舊交替，極度多元化既城市，係嗰度既有宏偉美麗既古蹟，又有現代化壯觀景點，反而成個羅馬唔係教堂就係羅馬帝國古蹟，歷史味太濃，如果樓主未去過歐洲，去巴黎先係最好既選擇。

2009-04-03 19:33:00 補充：
講真，我真係唔覺羅馬好危險。我係羅馬嗰幾日見到好多結伴同遊既兩、三個女仔自由行，但我無見過有女仔當街比人撩或騷擾。反而大家其實好有禮貌，無論男女老幼，去到景點就自動自覺排隊，大家都無咩事發生。

2009-04-03 19:35:18 補充：
另外，我當時完全係一個人於羅馬市內自由行，其間完全無陌生人借故接近行騙或搶劫，連少少騷擾都無。我係市內各處直行直過，從來無人對我有特別興趣。

2009-04-03 19:38:28 補充：
當然，小弟既行蹤只觸及最熱門既景點、最熱鬧既地區及最開揚既大街。而且我係全程都高度保持警覺，非常留意身邊有無異樣及風吹草動，但我發覺係嗰度無論係當地人定係本地人都無問題，反而八月既羅馬真係好熱，樓主反而要注意天氣既問題。

意大利又殘又舊. 個鬥獸場都係. 其實冇乜好去. 二選一, 當然去 paris 好好多. 又可去下鐵塔. 同 girlfriend 一齊. 好 romantic 嘛. 我都帶過我女友去. 佢好開心呀.
況且, 意大利真係好危險. D 的士佬唔鐘意做你生意既時候. 或塞車... 會隨時趕你落車 tim ka wor!! 痴 karrrr!
上次我個 friend 又係比人偷左成個袋. 連 passport 都冇埋. 煩爆!! 仲係名店街內 prada 比人偷 ka tim!!