小露寶之不明死因…杰入…

好抱歉知道你既鼠鼠離開左,希望你唔好太傷心鼠鼠死左記得要澈底同鼠鼠既籠同用品消毒先放第隻鼠入去,可以洗好之後用消毒藥水(用呢個就要風乾,再放一段時間先可再用,唔係會有殘留物質在上就唔好啦),動物專用消毒劑or牙膏去清理

A.鼠鼠死既時候死狀係點呢?如果突然死亡又冇任何特別既地方,一般會有以下既可能:
1)基因問題
有d鼠基因本身就有問題,但就未必一出世就有事,甚至會幾個月至半年先出現問題
基因誘發既病,多數都係冇得醫,亦好難去查究,唯一避免既方法就係唔好買一d毛色特別及紅眼既鼠,因為呢d多數都係基因有變異既情況

2)受驚
鼠鼠係好細膽既,受驚會引起疾,亦有可能會嚇死,特別係有心臟病既鼠,有心臟病多數都會有呼吸困難既情況,但亦有無聲冇息而死亡既

3)天氣問題
天氣不定鼠鼠好易生病,野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既,可能冇睇鼠鼠數小時,太凍都可以凍得,因此天氣忽然好凍既時候就要同鼠鼠做好保暖,萬一鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了
如果籠放位置有問題,就更危險,籠擺放既位置要留意以下幾點:
a)要放在通風陰涼處
b)唔好電視等等好嘈既地方附近,而電視更加係有電磁波,易令鼠鼠患腫瘤
c)唔好放在俾雨淋到既地方
d)唔好放在曬到既地方
e)唔好放在冷氣風口位
f)唔好放在太凍or太熱位置

4)體內腫瘤
體內腫瘤一般都好難發現,鼠鼠初有腫瘤多數生活上都冇咩變化,而鼠鼠既新陳代謝快,有病可以好急,兩樣加埋,就有機會出現有腫瘤都唔知既情況下就死

5)過敏
有味木糠同沖涼粉都易令鼠鼠有過敏反應,鼠鼠過敏多數會見到鼠鼠甩毛,大多會成隻甩晒毛,肉發紅,甚至會打乞嚏,眼紅,氣喘,嚴重過敏係可以好快令鼠鼠死亡

6)危險用品
如果籠入面有地方or物品易整親鼠鼠,令鼠鼠骨折,都可以好快致命,例如有隙既地板,樓梯,轉輪

B.我唔了解亦唔能夠批評任何鼠店,但如果你既同學去某D鼠店後,買既鼠成日都好快死,咁就可考慮去第間買,買鼠時亦要小心咁揀;隻鼠本身有問題定你養得有問題就咁講冇咩資料實在好難去估
揀鼠要留意既事,用品資料及飼養方法可參考以下我回答既知識,可以睇下會唔會有d咩係呢幾日做錯:
http://hk.knowledge.yahoo.com/question?qid=7008080502780

C.唔好咁急再養住,了解清楚養既方法有冇問題先,同埋最好等天氣定d先,唔好太涼同冇落雨先買,鼠鼠冇咁易已經生病or帶返屋企時冷親
養小紫王定熊仔鼠就睇你既喜好,睇你之前買小露寶應該係鍾意細隻多d吧?咁就可考慮小紫王,而你怕買到返唻又病,小紫王都安全d既,熊仔鼠細膽得唻地盆心態又十分重,在鼠店好多時都幾隻放埋一齊,都擔心買到返唻再受驚就更易病(如果冇仔細揀,買時已病既機會係比較高)
不過一籠一鼠都冇咩所謂,最緊要係唔好太心急同鼠鼠玩