公屋維修o既問題

照道理應該就唔會收你錢，
點解我咁講呢？
因為我就試過，
我廚房既天花滴水，仲係鹹既添，
房署黎打針，一個崩都冇收！
幾年後打針既地方龜裂，
石屎一舊一舊咁跌落黎，
房署搵師傅來整，
鑽到露晒鋼筋，
重舖路水泥既面積有成四尺幾長兩尺幾寬，
（泥水師傅靜雞雞同我講搵人整要幾千文架）
但係房署照樣係一個崩都冇收！
另外重有係換廁所門、仲換埋成個馬桶，
亦係一個崩都冇收！
至於話『恆安邨屋村辦事處&恆安邨公屋維修的電話』
只要你落你樓下大堂，問下位當值既保安，
佢就自然會話你知架啦，
駛嘜捨近而求遠丫！
不過，要提醒你一件事好重要，
蟻人幫你做野（我指房署D職員）
千奇唔好奉旨咁，
禮貌行先，對你絕對有利！
講到呢到你應該明我講嘜啦 ~_~ !!!
祝百順長安 ~_~ !!!

只要你唔係租者置其屋(即係無買到個公屋)
而係普通的公屋居民,租緊公屋
業主係政府,好似漏水依d問題,屋邨的管理公司會負責的
至於要不要俾錢...就要睇果句管理公司啦
因為我都試過,同一件事,係不同屋邨都有不同的處理方法
你可以問定佢地先

不過你樓下投訴你樓上漏水
可能需要係樓下檢查完,上去你單位看漏水的位置
睇下係邊面整會好d
所以你幫幫手,合作d就應該無咩問題

由於而家大部份屋邨辦事處都外判左俾管理公司
你有咩事去屋邨管理處,or同樓下看更講都得
當然啦,你去議員辦事處會更好,因為一物治一物
議員同管理公司講兩句,咩都順利d
所以你可以找找議員啦
個人建議當然係民建聯的議員,因為佢地擅長好多