新手用LX3應該加咩配件?

我覺得其實乜都唔加已經可以,輕便機最緊要就係輕便,如果加到周身配件搞到好大舊,咁不如索性玩單鏡機好過.二來配件都比較貴同埋淨係得嗰系列機先用到,唔係太化算.
咁多樣配件偏光鏡算係比較有效果又唔太大份,影風景可以整藍個天同埋瀘下反光,都可以考慮.
LX3要加瀘鏡必需先加原廠轉接器DMW-LA4,約$240.之後可以配任何46mm直徑瀘鏡.由於唔需要轉動鏡頭對焦,你可以買較平既PL,唔需要買CPL.
其實唔同牌子當然有小小分別,不過我覺得平既都唔差,我建議買Kenko或者Hoya都可以,應該都係百幾蚊.如果花起可以考慮B&W,可能就要三,四百.
不過46mm好似唔係咁常見,唔知有冇貨,可能被迫要買原廠DMW-LPL46,咁就要成$800.
UV鏡我就覺得冇需要,因為數碼機唔受UV影響,純粹當保護鏡用,要加咁大份嘢保護個鏡頭有點多此一舉.
原本加支閃光燈都好,不過LX3只支援超大舊的FL500或者FL360,非常笨重而且頭重尾輕,建議都係用內閃算數.
Panasonic網站有介紹
https://www.panasonic.hk/eshop/html/chi/accessories/accessories_main.asp?id=1

LX3以輕便相機來說已很全面,一般影生活照,風景照,旅行相而非常夠用.

其實你有甚麼特別的需要加FILTER? 不如細心想清楚才買,以免浪費金錢和增大相機的負重.