(鋼琴問題)A大調咩意思?

鋼琴無分係A大調B大調C小調果D咁樣既指法架(唔同吹笛, 唔同彈琵琶), 例如D大調果陣時, 有個B音需要用食指, 但係係A大調果陣時, B音都可以用食指彈架, 視乎你個B音前前後後既音要用乜野手指。例如土耳其進行曲, 第8小節, 右手頭2個8分音符都用唔同指法架! 用岩指法可以令你彈得流暢D。


A大調即係A major, 有3個sharp, 即係do音係A, re=B, mi=C#, fa=D, so=E, la=F#, ti=G#。


其實土耳其進行曲應該係A小調(A minor), 唔係A大調(A major)(雖然中間有轉左去A大調, 但係呢首歌係以A小調為主)。A小調係無sharp無flat既, A小調即係la音係A, ti=B, do=C, re=D, mi=E, fa=F, si=G#。(小調係由la音數起架! 同埋7音要sharp, 即係so要變si)


另外, 唔可以就咁睇D音符既grouping架, 要數岩佢到底係咩野音符, 係乜野拍子。一拍既定義係視乎個time signature, 例如2/4(即係土耳其進行曲既拍子), 就係一個小節裡面有2個4分音符, 咁一拍就係一個4分音符啦。又例如6/8, 就係一個小節裡面有6個8分音符, 咁一拍就係一個8分音符啦。


用返土耳其進行曲做例子, 呢首歌係2/4既, 咁一拍(一個4分音符)就會包左4個16音符, 例如你開頭果一拍(右手B A G# A), 就要係一拍之內彈哂4個16分音符啦。跟住睇第1個小節, 左手有4個8分音符, 你要係一拍彈2個8分音符, 咁你係2拍(一個小節)就會彈哂4個8分音符啦(平均)。


我唔太明乜野係記位, 你話係想記大調同小調有幾多個sharp幾多個flat, 定係C音係5線譜既邊度, 定係C音係琴上面既邊個位置??


5級樂理會要你數拍子, 判斷time signature, 或者俾左time signature你, 要你決定放乜野音符先岩拍子。都會要你對chord(例如, I chord, IV chord, V chord)有基本既認識。會叫你將成條melody轉調, 例如由A major轉做B major, 咁你就要識將D音全部tun上一個major 2nd啦。都會問Italian terms, 例如decrescendo係乜野意思。5級樂理其實唔係太難考, 唔使太擔心。8級樂理就難好多架, 不過遲一步先了解啦。


有野就係補充度加丫, 我見到就會答你架啦!!


希望幫到你, 加油!! =]*