母女情如此淡

7年前, 爸爸因肝癌離去, 我們家只有媽媽, 哥哥, 我 及 2個妹妹,
爸爸離去後, 我已盡了做女兒的責任, 每年的生日及母親節, 我都負責買禮物,訂枱食飯,
可以說是出錢出力, 所有費用由我負責, 至於”哥哥” 從來只有 say no,沒有一次出席過,
連禮物都沒買過一份, 人們說, 長子如”父”??? 一點也看不出

2年幾前, 當時我已26歲, 同媽說要結婚, 她說如不在酒店擺酒就唔好結, 大家都知2年前的物價幾高, 經濟都不差, 酒店擺酒閒閒地都要 over 7千元, 再加其他過大禮之類, 租衫影相, 加埋酒席 ( 13圍 ) , 都要 15萬, 仲計埋租屋住, 差不多 20萬.
當時已經儲咗10萬打算旅行結婚都足夠, 為咗滿足她, 我哋只好問銀行借多10萬 ( 還4年),
她答應禮金只收取回她自己女家的人情. 到婚禮完結後, 佢已經取回她的人情 ( 約3萬 ).

事隔半年, 我們去買居屋, 因欠5萬做首期, 就向媽借錢 ( 當時她有25萬做定期 ), 我們已說明會連埋息分2年還俾佢, 仲白紙黑字寫明欠據, 她給我們的答案 – “問老細借糧, 同埋怕我唔會還錢, 幾多都唔借, 叫我摓訂”, 唔知大家如果自己親生亞媽同自己咁講嘢, 你們會有咩感受?
幸好我2個妹, 佢哋義不容辭咁借俾我, 度過難關.

到2008年尾, 樓市發達, 我賣咗層樓賺咗 30萬, 還咗d錢給妹妹及銀行, 現在仲有番積蓄,
生活比以前欠債是好多了.

直至昨天跟媽說電話, 她居然話我賺咗錢都唔俾D佢, 仲周圍唱個女同女婿唔俾家用,咁當初我有需要幫助時, 她就叫我問老細借? 咩道理?仲有, 她同爸爸儲錢, 買咗現時間公屋, 都只是給哥哥一個, 我們3個女都沒份? 我問她, 她答我 “現在分身家咩?個個要有份?有邊個話落名做業主要個個有份, 正常都只是俾個仔? 關唔關你事?”, 如果自己親生亞媽同自己咁講嘢, 你們會有咩感受?

還有, 她居然說自己貼大床嫁女, 吓! 佢一個”先”都沒出過, 只是指指點點買呢樣買嗰樣, 擺酒又話要酒店, D錢就我哋出, 禮金人情就袋袋平安, 咁都叫” 貼大床嫁女”??? 咩道理???

而且, 又話我結完婚後, 成日係屋企唔出街, 喂!大佬, 結完婚欠銀行錢, 有錢都還俾銀行啦,仲咁有錢行街戲食飯? 你估好似佢咁, 有25萬做定期, 仲有層公屋揸手?

大家話, 到咗呢個地步, 我唔俾家用她, 是否不孝? 是否錯? 我問佢借錢應急時就話沒錢, 層樓唔寫d女名就話唔關我事? 咁我唔俾家用就唔啱???

公平一點, 個亞哥用咗佢10幾萬讀大學(不是問政府借), 到現在一事無成, 家用又時俾時唔俾,
我問媽點解唔鬧佢, 她居然說 – “我都管唔到, 唔想嘈”, 哈哈! 咁都得?

我面對過以上的情況, 內心真的好難受, 好唔開心, 好想同大家分享下, 俾d意見,
我日後該如何面對這個亞媽?