澳門船票優惠

你所講的優惠指邊隻?

信德中心買最平

現在有兩間船公司，分別是噴射飛航(去澳門碼頭)同金光飛航(去氹仔碼頭)，如果你有濠會或者金沙會的會員咭(黃咭或紅咭)都可以換金光飛航往氹仔的免費船票，黃咭換兩張，紅咭換四張

無會員咭又想坐的話要買黃牛票最便宜，在入閘口前的大約$100一張，但入閘時要出示會員咭，所以買票後他可能會俾埋張咭你入閘

如果想坐噴射飛航，黃牛票要$120左右，船定些，不用會員咭

2009-03-25 01:44:45 補充：
濠會入會不用錢架，不過一定要去到澳門的金沙或威尼斯人賭場申請先得。好耐之前有來回程送，而家只得去程係免費，回程要在他們的賭場儲滿3分或者6分才可以換回程票，假設你去電子色子機或電子輪盤機玩，你預$600一分啦，無論嬴輸都會俾你。

入左會後會有咩優惠（除了船票）？

在威尼斯人商場度消費出示會員咭有9折優惠，但全部都係名店，我諗你都唔會用。

其實它主要功用是用來換票和儲分，分數可以在他們賭場內的食肆以$1=一分找數。

入會唔洗錢。在賭場內食野有9折(food court除外)。


申請左呢兩間其中一間的咭, 可有免費由香港去澳門的船飛, 回程要賭錢草夠3分(日航) / 6分(夜航)，賭幾多為之一分則沒有人答到。


但係上幾個月開始麻煩左, 船票上mark有會員的card no., 入閘時會對返card no.跟船票上所寫是否相同先得。


去程 : 去電梯位附近的黃牛飛度買, 金光$100-120, turbo jet $150 (夜航)


回程 : 威尼斯人換免費船飛附近成日有d阿嬋同阿叔兜飛賣, $60-80一張金光


唔怕面濛濛, 你可以昅實渣紅咭得自己一條友等換飛的人, 佢地可以一次換4張普通位或2張豪華位, 你可以主動叫佢賣比你, 價錢睇你把口講到幾多, 反正佢都唔洗錢換0既~ 佢d飛都係換完賣比黃牛班人。

船票冇優惠,除非你係買團體票.
濛咭會員,除了可以換免費船票就沒有其它優惠
但紅寶咭就大大優惠,免費食早午晚餐,可能有免費房間贈送,不過要取紅寶咭唔係咁易,一年內要取得888分.