{超急}1分半鐘個人短講-我最珍惜的一件東西[快]15點

小朋友,你呢條問題有12個超急,咁你都應該知道你最珍惜的東西係乜野啦!
好啦,幫你起幾段大綱先,自己再加些少你的意見,咁就講到分半鐘了!
首先開場白你講:
各位老師同學,世界上有好多值得珍惜的事物,但你地大家知唔知道最珍惜的東西係乜野呢?
我地當然要珍惜金錢,唔好胡亂花費,我地亦要珍惜健康,身體健康唔好,唔乜都唔得啦!
我地要珍惜父母的養育同師長的教導,如果無父母師長帶領我地,就唔可以健康的成長!
但係我自己覺得有一樣野係最值得珍惜的,呢樣就係時間,因為時間過去就永不會回頭,而且時間對世界上每一個人都係一樣咁公平,人人都係每日得24小時,但係點解有d人好有成就,有d人又會一事無成呢? 原因就係自己會唔會珍惜自己的時間,盡量利用有限的時間去做對自己有用的事!
所以我希望自己都要愛惜光陰,珍惜時間,以後唔好再浪費時間,以免將來後悔!

2009-03-25 18:58:15 補充：
你想講得好d,最好自己對鏡講一兩次,咁可以睇到自己講得是否自然,另外計算時間岩唔岩,咁就可以講快d慢d或者加多減少啦!