13歲架青少年應唔應該減肥?

13 歲也可以減肥，不過絕對不可以用節食或營養代餐!

只係靠節食或營養代餐，只係短暫性有效，但係只係頭１，２個星期會減，之後身體會因為你唔夠營養，自動將個身陳代謝律減慢，藉以減少身體消耗。於是乎個磅數就唔再減，而且重會令身體乏力，無精神，容易病添！

更甚者你只有 13 歲，如果你現在就節食，絕對會嚴重妨礙你發育的，包括影響增高，無精神，老了好大機會骨質疏鬆，況且無人希望連該大的部位都唔大吧？

況且你一旦停止食個 d 所謂營養粉或停止截食，就好容易肥返晒 -- 唔通你打算一世食個 d 野咩，一世都節食？

要健康地減肥，離不開做帶氧運動和均衡飲食，別無他法！

常見的帶氧運動有跑步，游水，向上行樓梯 (慢慢行就得了，不用跑) 等等。平均每星期三次，每次 30 分鐘或以上就可以了。有心減肥的話，就點都要囉呢 d 時間出來的。當然，如果你體能上承受得都的話可做得密一點，每次做耐一點亦可以 (例如每次 45 分鐘)，最緊要量力而為。

在家裡亦可以做減肥運動的：找一張穩固的矮凳，然後不停地踩上踩落，要<向前踏上，向後踏落>，亦係每星期 3 次，每次 30 分鐘或以上。

而且做帶氧運動自然會全身消脂；相反，世上沒有<局部地區成減肥>，一減就必然係全身減的。

做帶氧更可以順便改善體能同心肺機能，令你更有精神和活力，強化骨骼，連面色都靚 d，一舉數得。

以上的運動都可以燒脂，更同時全身更 firm，更有彈性，改善個 shape。

你亦無需擔心會變成肌肉型的，一來帶氧運動做夠 30 分鐘或以上的話，並不能夠增肌 (相反還是不利增肌添)，再者你是女生，天生賀爾蒙就更難變肌肉了 -- 就算你刻意想練出肌肉都好難。

飲食方面，就算你要減肥都好，都一定要吸收維持進食碳水化合物 (飯，麵，麵包) 及蛋白質 (蛋，肉，魚，奶)。前者提供能量，後者幫整體健康，缺一不可。

你亦無需要刻意戒口，只要減少食油就可以，並非完全不食油，因為油脂都是身體必須的營養，只要減少就行了，最重要烹調方式清淡，盡量避免煎炸等等。

另一方面，做完運動後一小時吸收力比平時高，所以要減肥就要避免運動後立即進食好多野，不過可以少少碳水化合物和蛋白質來補充體力，例如一小片蛋治也無問題的。

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm

最後想提醒你：無論減肥定做運動，都要持之以恆，世界上無一勞永逸的減肥方法的。

絕對不建議你去減肥....
因為13歲有9成的人都在發育。
而且發育期間需要更多的熱量。
所以不建議你去減肥。
食少野應該不會影響高度既
不過如果食少野是由小到大的影響就沒有問題
如果你突然間食少野就有問題...會令身體營養不良
不過高度不單要靠食還要靠運動量以及父母的遺傳因子

其實就唔應該既..但係如果你真係好肥..咁就另計啦
因為13歲係發育緊,需要好多營養
如果去減肥節食就會令身體吸收唔到所需既營養
其實你有冇得高係睇你本身幾高
如果你想高可以去打籃球
其實最好係食到七分飽
唔好太飽又唔好冇食野落肚咁囉..
你有疑問可以sd e-mail問我嫁