【新手一問10pts】nikon D300與D90

兩部影出來既相唔會有好明顯分別,大家像素一樣,雖然D300的A/D係14 bit,高過D90的12 bit,但轉成Jpeg後始終係8 bit.
以下網頁有兩部機既測試同樣本相,你可以自己比較一下.
http://www.dpreview.com/reviews/specs/Nikon/
唔計D90可以拍片,其實D300最大優點係動態題材的把握能力.
D300係用比較先進既51點對焦,而且中央15點仲係十字型,十字型對焦點係單線型的三倍敏感度.D90只有11點對焦點,而且只有中間一點是十字型.影靜態題材可以慢慢對焦.還不至於有太大分別,影啲郁既嘢要應用到連續對焦及中央以外對焦點時,個分別分分鐘就係一個影到,一個影唔到或者影唔到要影嗰一刻.
連拍也是D300比較快,基本己有每秒6幅,加手柄仲可以去到每秒8幅,D90就只有每秒4.5幅,連拍快有助影到想要嗰一刻例如跑步衝線或者藍球入樽嗰下.
閃燈同步也是D300比較快,有助在強光下用閃燈時仍可開大光圈.
至於影0.5米至4米距離既嘢應用甚麼鏡頭這個說法太籠統,大部份鏡頭最近對焦距離都小過0.5米,亦可以對焦無限遠.問題係你想影4米之外嗰件景物想影到幾大或者有幾大,影座山用支超廣角鏡都影唔晒,但係要影隻麻雀全身就300mm都未夠.日常用的話建議你買Nikon 18-105mm f3.5-5.6 VR,焦距實用而且有防震方便手持拍攝,當然有其他比較好選擇,不過呢支較實惠.如果諗住影一啲動態題材既特寫鏡頭,就要買中長焦距大光圈鏡頭,可以考慮Nikon 70-200mm f2.8 VR.目標再遠當然就要買更長焦距鏡頭.