跟勝景遊去歐洲玩好嗎,導遊專業嗎?

市面上有很多選擇,去多間旅行社比較,6月初是淡季,價錢是便宜的,要注意是證件要有最少六个月有效期,另要消楚知道旅遊的國家要不要簽証! 祝旅途愉快!

我前年都跟過勝景遊去北歐四國10旅行，我每年都會跟團去旅行2次，所以市面上大部份旅行社都參加過。整體而言，勝景遊都係一間不錯旅行社，入住酒店一般都係4、5星，我最欣賞就係膳食，包括地道特色餐，有瑞典肉丸、鹿肉扒，亦有豐富自助餐，龍蝦仔、生蠔、翡翠螺就不在話下啦，仲有魚子醬、鵝肝醬等貴價美食！
香港領隊普遍會做埋導遊，我去果次都好稱職！
由於勝景遊前身係鐵行旅遊，老牌旅行社，應該都好有經驗！
至於需注意嘢︰因為你3人行，係可以住埋一間房，不過報團時記得聲明同問清楚價錢。跟歐洲團要留意不同國家貨幣，如何遊多國，建議先兌換歐羅，去到個別國家再兌當地貨幣！購物就記得退稅安排啦，有d國家會離境前即刻响機場退稅，有d就會交低單據同個人資料，當你回港一排後才退回。
通訊方面可以先响香港申請定IDD，或者去到歐洲至買儲值卡打番香港。
最後提提你，雖然歐洲尚算文明國家，但係某d地方扒手、搶劫都好狼，記得現金、護照等要分開不同地方放，又或者買旅遊支票啦！一路平安啊！

6月係去歐洲非常好的日子. 因天氣好. 影相都靚好多.
勝景最出名做歐洲團. 故應該有信心.
如 3人同行. 要加床. 要問下旅行社喎. 因歐洲唔係間間酒都可以加床 ka. 小童就話另計. 成人未必得.
其實冇乜特別需要注意. 因跟團嘛. 開茶會時會講晒. 又有導遊跟住. 我阿媽同佢朋友兩位老人家去左 14天團都冇問題. 仲買左好多野 tim!!